«1030 dzion za kratami. 75 dzion nieviadomaści». Ad Mikałaja Statkieviča pa-raniejšamu niama źviestak
Užo 75 dzion Maryna Adamovič nie atrymlivała nijakaj infarmacyi pra stan svajho muža, viadomaha palityka i palitviaźnia — Mikałaja Statkieviča.
«1030 dzion za kratami. 75 dzion nieviadomaści», — napisała ŭčora Maryna Adamovič pra svajho muža Mikałaja Statkieviča. Dva z pałovaj miesiacy pra jaje muža niama źviestak.
Žonka palitviaźnia raniej pisała, što nie tolki nie atrymlivaje listoŭ ad Statkieviča, ale i nie maje adkazaŭ ad aficyjnych instancyj, kudy jana taksama dasyłaje zvaroty.
«Vierahodna, adziny «zakon», jaki dziejničaje, heta — «inohda nie do zakonov». Apošnija siły sychodziać nie na toje, kab žyć, a na toje, kab nie klaści. Jany sami z hetym spraviacca. Usio minaje, a duša bieśśmiarotnaja. Pakul ja pra heta pamiataju. Ale vielmi ciažka», — pisała jana.
Mikałaja Statkieviča zatrymali 31 maja 2020 hoda, za dva miesiacy da prezidenckich vybaraŭ. U śniežni 2021 hoda jaho asudzili na 14 hadoŭ pazbaŭleńnia voli va ŭmovach uzmocnienaha režymu, termin jon adbyvaje ŭ hłybockaj kałonii ŭ adzinočnaj kamiery. Palityku 66 hadoŭ.
Taksama doŭhi čas niama źviestak pra Ihara Łosika, Maksima Znaka, Viktara Babaryku.
Ciapier čytajuć
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli2
«Ja tak daloka zabrałasia. Škada tolki, što nie mahu pakazać heta tatu». Jak žyvie dačka Paŭła Šaramieta praz 10 hadoŭ paśla jaho hibieli
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2121
Kamientary