U navukoŭca Ihara Bortnika za kratami značna pahoršyŭsia stan zdaroŭja
Pavodle našaj infarmacyi, kandydat fiłasofskich navuk z Połacka Ihar Bortnik, zatrymany 29 sakavika padčas abłavy na supracoŭnikaŭ Połackaha historyka-kulturnaha zapaviednika, za kratami ŭtrymlivajecca ŭ takich umovach, jakija značna pahoršyli jaho i biez taho kiepskaje zdaroŭje.
U Ihara Bortnika niekalki miesiacaŭ da aryštu była doŭhaja i składanaja reabilitacyja paśla nie vielmi ŭdałaj apieracyi pa lačeńni mižpazvanočnaj hryžy. Ciapier jamu balić śpina, siadzieć bolš za paŭhadziny jon nie moža, treba ŭstavać i ruchacca.
Bolš-mienš prystojny stan udavałasia padtrymlivać z dapamohaj mocnych abiazbolvalnych, bieź jakich jon nie moža paŭnavartasna spać. Miž tym tam u jaho dostupu da ich niama, a pieradač dla Bortnika nie prymajuć nijakich, navat hihijeničnych.
Pa našych źviestkach, jon užo dvoje sutak nie moža zasnuć. Akramia taho, viadoma, što za kratami ŭ pačatku druhoha administracyjnaha terminu navukoviec pieranios hipiertaničny kryz, bo maje prablemy i ź ciskam.
Viadoma taksama, što Ihara Bortnika, raniej pieraviezienaha ŭ Viciebsk, ciapier znoŭ pieraviali ŭ Navapołacki CIP. Siońnia jaho musili adpuścić paśla zakančeńnia čarhovaha 13-sutačnaha terminu (papiaredni byŭ 10-sutačny), ale nie adpuścili. Ciapier jon čakaje čarhovaha suda pa artykule 19.11 KaAP (raspaŭsiud «ekstremisckaj» infarmacyi).
Praciahvajucca sudy nad supracoŭnikami Połackaha historyka-kulturnaha muzieja-zapaviednika
Stali viadomyja prysudy niekatorym połackim muziejščykam, a taksama śpis zatrymanych
Častku zatrymanych supracoŭnikaŭ Połackaha muzieja-zapaviednika vyzvalili. Ale kanfiskavali techniku i pryznačyli sudy
Prajšli pieratrusy i zatrymańni siarod połackich muziejščykaŭ
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy133133
Kamientary