Supracoŭniki Połackaha historyka-kulturnaha zapaviednika Ihar Bortnik i Ihar Supranionak pieraviedzienyja ŭ viciebski SIZA № 2.
Pra pieravod u SIZA paviedamiła krynica telehram-kanała @pozirkonline, jakaja pažadała zastacca nienazvanaj.
Fatohraf z Navapołacka Supranionak 11 krasavika byŭ aryštavany na 15 sutak. Pa jakim artykule KaAP jaho sudzili, nieviadoma.
8 krasavika paśla 10-sutačnaha aryštu pa hetym ža artykule nie vyzvalili kandydata fiłasofskich navuk Bortnika. 10 krasavika sud Navapołacka aryštavaŭ jaho jašče na 13 sutak za «parušeńnie paradku arhanizacyi abo praviadzieńnia masavych mierapryjemstvaŭ».
Ihar Bortnik — dacent, uznačalvaŭ kafiedru sacyjalna-humanitarnych dyscyplin.
Razam z Bortnikam i Supranionkam 29 i 30 sakavika było zatrymana bolš za 10 supracoŭnikaŭ zapaviednika.
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu. Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo za simpatyi da Ukrainy. Za hety čas u krainie adbyłosia kala 50 tysiač, a mahčyma i bolš palityčna matyvavanych zatrymańniaŭ, zaviedziena kala 12 tysiač, a mahčyma i bolš palityčna-kryminalnych spraŭ. Byli rastaptanyja bazavyja normy zakonnaści i marali.
Kali majecie važnuju dla ŭsich infarmacyju, pišycie redaktaru «Našaj Nivy» ŭ TH, na [email protected] ci [email protected].
Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
«Naša Niva» — bastyjon biełaruščyny
PADTRYMAĆCiapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary