Stała viadoma, jakija biełaruskija vykanaŭcy byli samymi papularnymi ŭ 2025 hodzie na «Jandeks Muzyka»
Servis «Jandieks Muzyka» padvioŭ vyniki 2025 hoda i nazvaŭ samych papularnych artystaŭ ź Biełarusi. Rejtynhi byli sfarmiravanyja na asnovie pieravah miljona padpisčykaŭ «Jandieks Plusa» ŭ Biełarusi i 43,9 miljona słuchačoŭ u inšych krainach.
Artystami hoda stała rep-trya: Jahor Junicki (uniqe), Arciom Šyłaviec (ARTEM SHILOVETS) i Mikita Karabyka (nkeeei). Ich chity, takija jak «Tołpy kričat» i asabliva letašni «Hłamur», vyvieli muzykaŭ na novy ŭzrovień. Simvalična, što padviadzieńnie vynikaŭ supała z premjeraj ich novaha alboma.
Artystkaj hoda nazvanaja ŭradženka Minska Kaciaryna Čepik (CHEPIKK). Papularnaść joj pryniesła pieśnia «So mnoj tak nielzia», a za apošni hod jaje pazicyi ŭmacavalisia novymi sinhłami.
Frešmienam hoda staŭ Andrej Kacikaŭ, vypusknik prestyžnaha Bostanskaha kaledža Bierkli. Jaho chity, jakija spałučajuć fank i soŭł, chutka nabirajuć papularnaść, i ekśpierty ličać jaho adnym z samych šmatspadzieŭnych biełaruskich muzykaŭ.
Lidaram pa łajkach apynuŭsia hamialčuk Jaŭhien Astroŭski (Voskresenskii), čyje treki aktyŭna virusiacca ŭ sacyjalnych sietkach.
Albomam hoda nazvany «2007 č. 2» ad trya ARTEM SHILOVETS, nkeeei i uniqe.
Trekam hoda stała pieśnia «Nie lubi mienia» ad dueta CHEPIKK i Choła (Kaciaryny Čepik i Uładzisłava Papova).
Na hałoŭnaj staroncy servisu dastupny Top-100 samych papularnych trekaŭ u Biełarusi, a kožny padpisčyk moža daviedacca svaju piersanalnuju statystyku za 2025 hod.
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy25
Kamientary