Bajcy rasijskaha «Afrykanskaha korpusa» vykradajuć, hvałciać i zabivajuć mirnych žycharoŭ u Mali
Žychary Mali spadziavalisia, što źvierstvy suprać mirnych žycharoŭ spyniacca paśla vychadu PVK «Vahnier». Ale «Afrykanski korpus» dziejničaje tymi ž mietadami, piša Associated Press.
Bajcy «Afrykanskaha korpusa» Minabarony Rasii, jakija zamianili ŭ Mali najmitaŭ PVK «Vahnier», vykradajuć, hvałciać i zabivajuć mirnych žycharoŭ krainy.
Pra heta paviedamlaje «Novaja hazieta. Jeŭropa» sa spasyłkaj na ahienctva Associated Press.
Žurnalisty apytali 34 biežancaŭ z Mali, jakija ŭciakli na miažu z Maŭrytanijaj. Jany spadziavalisia, što paśla vychadu PVK «Vahnier» z Mali źvierstvy suprać mirnych žycharoŭ spyniacca, adnak «Afrykanski korpus» dziejničaje tymi ž mietadami, što i najmity PVK.
«Heta taktyka vypalenaj ziamli. Sałdaty ni z kim nie razmaŭlajuć. Jany stralajuć u luboha, kaho bačać. Nijakich pytańniaŭ, nijakich papiaredžańniaŭ. Ludzi navat nie viedajuć, za što ich zabivajuć», — kaža adzin ź biežancaŭ.
Jašče niekalki čałaviek raskazali, što ich vioski byli spaleny, inšyja znachodzili trupy z vyrazanymi orhanami. Bajcy Minabarony adbirali ŭ mirnych žycharoŭ pradukty i kaštoŭnaści, źbivali i zabivali ich svajakoŭ, padazravanych u suviaziach z džychadzistami, a taksama zabirali z saboj žančyn.
«Źmianiłasia tolki nazva. Adzieńnie, transpartnyja srodki, ludzi zastalisia raniejšymi. Mietady zastalisia raniejšymi i navat stali horšymi», — zajaviŭ žurnalistam biežaniec pa imieni Bakar.
Pavodle padlikaŭ ekśpiertaŭ, z 2023 hoda ŭ Mali byli zabityja jak minimum piać tysiač mirnych žycharoŭ. Amal pałova ź ich zahinuli z-za napadaŭ vajskoŭcaŭ, u jakich prysutničali rasijskija najmity. Adnak ličby strat vidavočna prymienšanyja: dakładnyja padliki ŭskładnienyja terytaryjalnaj addalenaściu niekatorych rajonaŭ.
Akramia taho, za tym, što adbyvajecca, sočyć usio mienš niezaležnych naziralnikaŭ. Miratvorčaja misija AAN źjechała z Mali ŭ 2023 hodzie pad ciskam urada. Vychad Mali ź Mižnarodnaha kryminalnaha suda sioleta taksama ŭskładniŭ adsočvańnie parušeńniaŭ.
Kolki bajcoŭ «Afrykanskaha korpusa» znachodzicca ŭ Mali, taksama składana vyznačyć. Analityki aceńvajuć kolkaść hrupoŭki ŭ dźvie tysiačy čałaviek. U padraździaleńnie Minabarony nabirajuć ludziej z Rasii, Biełarusi, a taksama afrykanskich dziaržaŭ.
U Minabarony Rasii na prośbu AP dać kamientar nie adkazali.
Ciapier čytajuć
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku1
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3131
Kamientary