«Piaty hod žyvu ŭ Polščy, i ni razu nie sutyknuŭsia sa «śpierdalaj» — štodnia ja tut baču inšaje»
Na rezanansny artykuł «Našaj Nivy» «Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy» adreahavaŭ u fejsbuku Alaksandr Čyhir. Jon raskazvaje pra svoj dośvied žyćcia ŭ Polščy.
Užo piaty hod žyvu ŭ Polščy — i ni razu nie sutyknuŭsia ni sa «śpierdalaj», ni ź jakoj-niebudź formaj ksienafobii. Nie vyklučaju, što takija vypadki zdarajucca, ale ŭ maim asabistym dośviedzie nie było navat namioku.
Palaki, ź jakimi mnie daviałosia mieć spravu, — ludzi, maksimalna adkrytyja śvietu i z pavahaj staviacca da pradstaŭnikoŭ inšych nacyjanalnaściaŭ. Tolki dobraje mahu skazać i pra inśpiektaraŭ z MORSa, i pra palicejskich, i pra lekaraŭ, miedsiaścior…
Maja susiedka ŭžo nie adzin hod całkam bieskaryśliva dapamahaje majoj siamji — i takich ludziej tut pieravažnaja bolšaść.
Ja znachodžusia ŭ hrupie svajho rajona ŭ Facebook — niekalki dzion tamu tam źjaviłasia paviedamleńnie z namiokam na toje, što ŭkraincam «varta było b zastacca ŭ siabie ŭ krainie, bo bajavyja dziejańni viaducca nie ŭsiudy».
Ź dziesiaci kamientaryjaŭ — dziesiać asudzili takuju pazicyju, častka karystalnikaŭ adznačyła, što aŭtar dziejničaje ŭ intaresach Pucina ŭ Polščy. Heta vielmi pakazalny markier hramadskich nastrojaŭ.
Viadoma, isnujuć składanyja temy — ad Vałyni da vypadkaŭ asacyjalnych pavodzin asobnych mihrantaŭ, jak ukraincaŭ, tak i biełarusaŭ. Jość ciažkaści kamunikacyi, jak i ŭ luboj šmatnacyjanalnaj prastory. Ale hetyja prablemy navat blizka nie paraŭnalnyja z «jaŭrejskim pytańniem» u SSSR ci z tym staŭleńniem, jakoje časta demanstruje hłybinny biełaruski socyum da zamiežnikaŭ i susiednich narodaŭ.
Nahniatańnie temy mižnacyjanalnaj varožaści ŭ formie «śpierdalaj» — nie vypadkovaść, a častka hibrydnaj ataki. Meta — ubić klin pamiž ludźmi, stvaryć niedavier, raspalić kanflikty tam, dzie ich niama. Heta technałohija, a nie realnaść paŭsiadzionnaha žyćcia.
Sudziačy pa majoj stužcy ŭ Facebook, padobnyja naratyvy prasoŭvajuć adny i tyja ž ludzi. Nie viedaju, što imi ruchaje — ułasnaja durnota, pycha ci patrabavańnie pracadaŭcy…
Tut, u Polščy, ja štodnia baču inšaje: uzajemnuju pavahu, hatoŭnaść dapamahčy i zdolnaść da salidarnaści — jakaści, jakija, spadziajusia, nijakaja prapahanda nie zmoža padarvać.
Daśledavańnie: jak žyvuć i zarablajuć biełarusy ŭ Polščy
U jakich krainach biełarusam možna chutčej atrymać hramadzianstva?
Polšča atrymaje ad ES 44 miljardy jeŭra na «Uschodni ščyt»
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
Polšča - najlepšaja kraina dla emihracyi ź Biełarusi. Kali vy nie maskal u dušy kaniešnie ;)
Dobrych, prystojnych palakaŭ šmat, možna žyć u ich atačeńni i nie mieć prablem. Ale jość i inšyja, i treba być pilnym. Ja ŭžo nie kažu pra prychavanyja nastroi.