«Tam niama cenzury dla nacysckich vitańniaŭ». Sikorski pasłaŭ Maska na Mars za zakliki raspuścić ES
Kiraŭnik Ministerstva zamiežnych spraŭ Polščy Radasłaŭ Sikorski publična adkazaŭ Iłanu Masku na jahony zaklik da likvidacyi Jeŭrapiejskaha sajuza.
«Laci na Mars. Tam niama cenzury dla nacysckich pryvitańniaŭ», — napisaŭ Sikorski ŭ sacyjalnaj sietcy X. Na mierapryjemstvie ŭ honar inaŭhuracyi 47‑ha prezidenta ZŠA Donalda Trampa Mask dvojčy zrabiŭ žest pravaj rukoj, jaki mnohija interpretavali jak adsyłku da pryvitańnia nacystaŭ.
Svarka pačałasia paśla taho, jak Jeŭrakamisija aštrafavała płatformu X, jakoj vałodaje Mask, na 120 miljonaŭ jeŭra za parušeńnie zakona ab ličbavych pasłuhach. U adkaz na heta Mask zaklikaŭ «skasavać ES».
Heta nie pieršaja pierapałka ŭ byłym tvitary Sikorskaha i Maska. Raniej Mask źniavažliva adkazaŭ kiraŭniku źniešniepalityčnaj dziejnaści Polščy.
Kali Iłan Mask namiaknuŭ, što moža adklučyć Starlink dla Ukrainy, Sikorski napisaŭ u tvitary, što jany tady pačnuć šukać zamienu.
«Pamaŭčy, čałaviečak. Vy płacicie tolki małuju častku koštu. I zamieny Starlink niama», — adkazaŭ Mask.
Ciapier čytajuć
Rasijanin z sudzimaściu zaniaŭsia dabračynnaściu ŭ Biełarusi. U niekatorych paśla dapamohi Dziadzi Jašy pačynajucca prablemy12
Kamientary