Na Smalavickim vadaschoviščy zafiksavany masavy mor ryby. Paśla paviedamleńniaŭ miascovych žycharoŭ na miesca vyjechali ekołahi, vieterynarnyja śpiecyjalisty i supracoŭniki siłavych struktur, piša vydańnie Smolevichi-24.by.
Śpiecyjalisty ŭziali proby vady ŭ niekalkich učastkach vadaschovišča, kab pravieryć uzrovień kisłarodu i vyjavić mahčymyja škodnyja damieški.
Padčas ahladu nie było znojdziena śladoŭ naftapraduktaŭ abo inšych zabrudžvalnych rečyvaŭ. Akramia taho, pobač z vadaschoviščam niama dziejnych pramysłovych ci sielskahaspadarčych pradpryjemstvaŭ, jakija mahli b stać krynicaj takoha zabrudžvańnia.
Ciapier supracoŭniki milicyi pravodziać pravierku i aceńvajuć škodu, naniesienuju navakolnamu asiarodździu.
Pavodle papiaredniaj viersii, pryčynaj hibieli ryby mahła stać mocnaja śpioka. Z-za vysokaj tempieratury vada na miełkavodździ značna nahrełasia, što mahło pryvieści da rezkaha źnižeńnia ŭtrymańnia kisłarodu.
Kančatkovuju pryčynu zdareńnia vyznačać navukoŭcy Nacyjanalnaj akademii navuk Biełarusi paśla vyvučeńnia vynikaŭ łabaratornych daśledavańniaŭ i analizu prob vady.
U Drybinskim rajonie chłopčyk pajšoŭ łavić rybu i začapiŭ vudaj za pravady
U Prypiaci pavialičvajecca kolkaść ryby, raniej zaniesienaj u Čyrvonuju knihu
U Lepielskim rajonie ŭziali pad vartu brakańjera-recydyvista
U Varšavie zatrymali ŭkrainca, jaki złaviŭ lehiendarnaha soma, jaki 20 hadoŭ płavaŭ u hetym voziery
Kamientary