Kitaj i Rasija praviali trecija sumiesnyja vučeńni pa supraćrakietnaj abaronie ŭ RF
Kitaj i Rasija praviali treci raŭnd sumiesnych vučeńniaŭ pa supraćrakietnaj abaronie na rasijskaj terytoryi ŭ pačatku śniežnia, paviedamiła Ministerstva abarony Kitaja ŭviečary ŭ subotu, piša Reuters.
Zhodna z paviedamleńniem na sajcie ministerstva abarony Kitaja, vučeńni nie byli nakiravanyja suprać jakoha-niebudź treciaha boku abo ŭ adkaz na jakija-niebudź biahučyja mižnarodnyja situacyi.
Krainy praviali pieramovy pa supraćrakietnaj abaronie i stratehičnaj stabilnaści ŭ minułym miesiacy i zrabili artyleryjskija i supraćłodkavyja vučeńni ŭ Japonskim mory ŭ žniŭni.
Rasija i Kitaj padpisali stratehičnaje partniorstva «bieź miežaŭ» niezadoŭha da ŭvarvańnia Rasii va Ukrainu ŭ 2022 hodzie, paabiacaŭšy pravodzić rehularnyja vajennyja vučeńni dla adpracoŭki kaardynacyi pamiž svaimi ŭzbrojenymi siłami.
Abiedźvie krainy vykazali zaniepakojenaść z nahody płanaŭ prezidenta ZŠA Donalda Trampa pabudavać rakietny ščyt i jaho zajaŭlenaha namieru adnavić vyprabavańni jadziernaj zbroi paśla bolš čym 30‑hadovaha pierapynku.
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy19
Kamientary
Jany na svajoj terytoryi pakazvajuć kitajskaj lisie jak buduć abaraniacca ad rakiet, demanstrujuć usie svaje "sakrety" procirakietnaj abarony. Ad ZŠA jany zbirajucca abaraniacca? Dy jany, tym ZŠA, da adnaho, taho samaha, miesca. Heta Kitaju och jak Sibir patrebna. Heta meta Kitaja viarnuć hetyja ziemli u "rodnuju havań". I kali pačniecca nastupnaja rasijska-kitajskaja vajna, kitajcy užo buduć viedać usie "sakrety" rasijskaj procirakietnaj abarony.
I jašče. Mnie ich "vučenni" nahadvajuć sumiesny parad Hiestapa i NKVD u 1939 hodzie u Pinsku.