«Ubačyła padešvu — žachnułasia»: žycharka Bresta pakazała, što stała ź jaje abutkam ad «Marka» paśla prahułki pa śniezie

Kali darahi abutak padvodzić u samy patrebny momant

Žycharka Bresta padzialiłasia ŭ miascovym pabliku ŭ telehramie svajoj historyjaj: darahija zimovyja boty ad «Marka», nabytyja «na chałodnaje nadvorje», razvalilisia ŭ pieršy ž śnieh, piša BGmedia. Žančyna raskazała, što doŭha nie mahła zrazumieć, adkul dziŭnyja huki pry chadzie.

«Nie budu śćviardžać, što moj abutak pralažaŭ dva hady… bolš… Boty byli nabyty na chałodnaje nadvorje, a zim chałodnych amal i nie było! U kancy listapada vypaŭ śnieh. Pryjšłosia dastać boty. Nie mahła zrazumieć, što za dziŭnyja huki na padešvie. Pryjšła dadomu z mokrymi i zaledzianiełymi nahami. Kali ŭbačyła padešvu botaŭ — žachnułasia», — paskardziłasia žančyna.

U majsterni admovilisia brać abutak u ramont, prapanavaŭšy košt [za pracu] ad 120 rubloŭ i vyšej.

«Jak možna rabić boty z naturalnaj skury ź nietryvałaj padešvaj?!» — aburyłasia bieraściejka.

Nie adzinkavy vypadak

Tak, u adnym roliku žychar Połacka demanstruje čaraviki, jakija «razvalilisia paśla 500 mietraŭ prabiehu». 

@user6980678434607

kačiestvo Marko. Probieh 500mietrov

♬ orihinalnyj zvuk - Vurdałaka

U inšym — žančyna pakazvaje padešvu, jakaja raskryšyłasia.

«Abutak, padešva jakoha razvalvajecca ŭ chłam za siezon. Kuplajcie!» — Iranizuje ŭładalnica pary botaŭ ad «Marka».

@sv.09.02 #otličnaja ♬ orihinalnyj zvuk - Ludmiła

«Marka» kinuŭ kuplać z-za kitajskaj padešvy»

Pad pastami i videa — sotni kamientaroŭ. Ludzi spračajucca, skardziacca i dzielacca asabistym dośviedam, vykazvajučy pretenzii da jakaści i servisu.

• «U dački pradaviłasia vuściłka ŭ zimovych botach. Zavod daŭ adkaz «jany ŭ vas pramokli». Bolš nie kuplajem».
• «Takaja ž chiernia była. Lažali doŭha — voś i ŭsio. Nie ŭ mietrach sprava, a ŭ časie!
• «Učora tavaryš pakazvaŭ toje samaje. Taksama «Marka».
• «Marka» kinuŭ kuplać z-za kitajskaj padešvy.
• «Košt vysoki, a jakaści niama».

Niekatoryja zhadvajuć i zusim sumnyja vypadki.

• «Syn viarnuŭsia sa škoły biez padešvy. Jana prosta skryšyłasia».
• «Ja takija vykinuła. Tak zhańbiłasia! Pryjšła ŭ bank pa kartku, niejkaja žančyna kaža «Oj, chto heta tak narabiŭ śmiećcia?» Ja jak zirnuła na darožku i na svaje čaraviki — pryjšła ŭ žach. Jany raskryšylisia! A im usiaho tolki hod — tolki dastała i sapraŭdy prajšła mietraŭ 500‑700 da banka. Pakul išła nazad, dumała što basanož budu šlopać».

Mnohija nahadvajuć, što ŭ pakupnika jość pravy:

«Taki abutak možna viarnuć ciaham dvuch hadoŭ. Navat kali harantyja skončyłasia — jość paniaćcie «termin našeńnia». Kali brak — abaviazany viarnuć hrošy».

Niekatoryja abaraniajuć vytvorcu

Niahledziačy na ​​škvał krytyki, u kamientarach chapaje i stanoŭčych vodhukaŭ.

•  «Šmat hadoŭ karystajusia hetaj markaj. Niezabivajemaja!»
• «Try hady našu zimovyja boty — usio ok».
• «Marka» zaŭsiody daje harantyju i adpracoŭvaje pa joj».

• 1
• 0
• 6
• 8
• 2
• 1
• 1
• 0