«Premija naležyć usim biełarusam, jakija praciahvajuć zmahacca». Cichanoŭskaja ŭznaharodžanaja niamieckaj premijaj, jakuju atrymlivaŭ Havieł
Śviatłana Cichanoŭskaja atrymała mižnarodnuju premiju Bonn International Prize for Democracy and the Rule of Law za ŭkład u abaronu demakratyi, pryncypu padziełu ŭładaŭ i pravavoj dziaržavy.
Cyrymonija prajšła 7 śniežnia ŭ Bonie ŭ miežach štohadovaj prahramy, jakaja adznačaje asobaŭ i arhanizacyi, jakija śmieła adstojvajuć pravy čałavieka, zakonnaść i demakratyčnyja kaštoŭnaści.
Premija prysudžajecca štohod z 2007 hoda za značny ŭkład u raźvićcio demakratyi. Siarod papiarednich łaŭreataŭ — były prezident Čechii Vacłaŭ Havieł (2009) i arhanizacyja «Reparciory bieź miežaŭ» (2014).
U svajoj pramovie Cichanoŭskaja padkreśliła, što premija naležyć usim biełarusam, jakija praciahvajuć zmahacca za svabodu, spraviadlivaść i mir, a taksama zaklikała ŭdzielnikaŭ padtrymać biełaruskich palitviaźniaŭ i Ukrainu:
«Ja ŭdziačnaja arhanizataram Bonskaj mižnarodnaj premii za ich rašeńnie ŭručyć jaje biełarusam. Jana nie mnie — a ŭsim tym, chto zmahajecca za svabodu, u tym liku našym palityčnym źniavolenym, takim jak Maryja Kaleśnikava ci Aleś Bialacki.
My, biełarusy, hłyboka ŭdziačnyja niamieckamu narodu za vašuju salidarnaść i padtrymku — nie tolki svabodnaj Biełarusi, ale i Ukrainie.
Siońnia ja chaču paprasić vas padtrymać Biełaruś, našych palityčnych źniavolenych. Ale taksama — padtrymać Ukrainu. Tamu što siońnia Ukraina zmahajecca za ŭsiu Jeŭropu. Losy našych krainaŭ pieraplecienyja. Kali Ukraina budzie mocnaj, a Rasija słabaj, heta adkryje akno mahčymaściaŭ i dla Biełarusi.
Dyktatary mohuć zdavacca niepieramožnymi, tak, pakul raptam nie abrynucca. Jak heta adbyłosia ź Bierlinskaj ścianoj, z Savieckim Sajuzam ci niadaŭna ź Siryjaj. My nie viedajem, kali i jak heta adbudziecca, ale heta adbudziecca. I my pavinny być da hetaha hatovyja».
Paśla cyrymonii ŭznaharodžańnia adbyłasia panelnaja dyskusija, padčas jakoj Śviatłana Cichanoŭskaja i ministr pa fiederalnych, jeŭrapiejskich i mižnarodnych spravach ziamli Paŭnočny Rejn‑Viestfalija Natael Limiński abmierkavali situacyju ŭ Biełarusi, aktualny fokus dziejnaści demakratyčnych siłaŭ i mahčymaści Hiermanii dla padtrymki biełarusaŭ.
-
«Z abodvuch słoŭ — dva mima». Słuckaja šaŭrmiačnaja zasmuciła biełarusaŭ pamyłkami ŭ biełaruskamoŭnaj rekłamie
-
«Karaciej, žopa!»: praŭładnaja mastačka Śviatłana Žyhimont sabrałasia ŭ Rasiju na mašynie
-
Apublikavany nacyjanalny indeks pravoŭ čałavieka za 2025 hoda. Jon upieršyniu za 7 hadoŭ nie źniziŭsia
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3939
Kamientary