«Chaču stvarać zvyšludziej». U Bielhii 15‑hadovy vunderkind abaraniŭ užo druhuju doktarskuju dysiertacyju pa fizicy
Łaran Simons upieršyniu staŭ doktaram navuk u 12 hadoŭ. A ciapier pracuje nad treciaj navukovaj stupieńniu, piša BILD.
Bielhijski padletak Łaran Simons u 15 hadoŭ abaraniŭ užo druhuju doktarskuju dysiertacyju — upieršyniu jon zrabiŭ heta jašče ŭ 12 hadoŭ. Łaran atrymaŭ školny atestat u 8 hadoŭ, u 11 skončyŭ mahistraturu, a ciapier pracuje nad treciaj navukovaj stupieńniu ŭ Miunchienskim centry Hielmholca, spałučajučy miedycynu i štučny intelekt.
«Ja chaču stvarać zvyšludziej. Takich, jakija skačuć jak Majkł Džordan i biehajuć jak alimpijcy», — raskazaŭ vunderkind.
Apošniaja dysiertacyja Łarana pryśviečana tearetyčnaj kvantavaj fizicy, da hetaha padletak abaraniŭ dysiertacyju pa ekśpierymientalnaj fizicy. Ź jaho ŭłasnych słoŭ, chłopiec maje fatahrafičnuju pamiać i zdolnaść chutka znachodzić suviazi pamiž składanymi źjavami.
Jaho baćki raskazvajuć, što niezvyčajnyja zdolnaści Łarana prajavilisia ŭžo ŭ dziacinstvie. U čatyry hady jaho adpravili ŭ škołu, u šeść — u himnaziju, dzie jamu adrazu dali indyvidualnyja zaniatki.
U vosiem jon zdaŭ ekzamieny, u dzieviać pastupiŭ va ŭniviersitet, a ŭ 12 staŭ adnym z samych maładych daktarantaŭ u historyi instytuta Maksa Płanka. Jon sustrakaŭsia z Papam, razmaŭlaŭ z nobieleŭskimi łaŭreatami i vystupaŭ u viadučych navukovych centrach śvietu.
Niahledziačy na takuju karjeru, baćki imknucca zachavać synu narmalnaje žyćcio.
«Mnie padabajecca katacca na kartynhu i hladzieć filmy Marvel ź siabrami ŭ kinateatry. Abo my adpačyvajem doma, hulajučy ŭ videahulni, takija jak Fortnite. Ja mahu pavodzić siabie jak zvyčajny čałaviek ź siabrami. Kali mnie chočacca adciahnucca, ja słuchaju muzyku, a časam lublu patancavać», — raskazaŭ Łaran.
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
-
Na Teneryfie hihanckaja chvala zabrała žyćci troch turystaŭ
-
Praz zachrasłyja ŭ Biełarusi litoŭskija hruzaviki ŭ Vilni projdzie pratest pieravozčykaŭ— furami zastaviać centr horada
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda23
18‑hadovaha chłopca abvinavacili ŭ admaŭleńni hienacydu biełaruskaha naroda
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1111
Kamientary