Adbyŭsia sud nad muzykami hurta Litesound, bratami Dźmitryjem i Uładzimiram Karakinymi dy ich baćkami, paviedamiŭ u fejsbuku kiraŭnik Biełaruskaj rady kultury Siarhiej Budkin.
Muzykaŭ Dźmitryja i Uładzimira Karakinych, a taksama ich maci Volhu Krajko asudzili na 2,5 hoda «chatniaj chimii».
Baćku chłopcaŭ Juryju Karakinu dali 3 hady «chatniaj chimii».
Pra zatrymańnie kolišnich udzielnikaŭ «Jeŭrabačańnia» Dźmitryja i Uładzimira Karakinych łukašysckija telehram-kanały napisali 13 kastryčnika — pavodle ich, braty «ŭdzielničali ŭ niezakonnych maršach ź pierakryćciom daroh, zaklikali i ahitavali ŭ sacyjalnych sietkach, supracoŭničali z ekstremisckimi arhanizacyjami».
Kab zatrymać 36-hadovaha Dźmitryja i 32-hadovaha Uładzimira Karakinych, da ich u dom ułamiŭsia SACHR u poŭnaj ekipiroŭcy.
Z paviedamleńnia ŭ kanale siłavikoŭ vynikała, što bratoŭ zatrymali za ŭdzieł u demanstracyi 16 žniŭnia 2020 hoda, najbolšaha šeścia za ŭsiu historyju niezaležnaj Biełarusi. Taksama siłaviki śćviardžali, što «ŭ domie znajšoŭsia arsienał niezarehistravanaj zbroi, jaki naležaŭ ich baćku».
Ciapier čytajuć
Što viadoma pra viciebčuka, jakoha vinavaciać u sprobie padryvu samalota ŭ Hiermanii16
Kamientary