LTG Cargo prypyniaje kantrakty z terminałam u porcie Kłajpiedy praz pastaŭki sankcyjnaha karbamidu ź Biełarusi
Hruzavaja kampanija Litoŭskaj čyhunki LTG Cargo prypyniaje kantrakty z kampanijaj Birių krovinių Terminalas, jakaja kiruje ŭ porcie Kłajpiedy terminałam nasypnych hruzaŭ. Dolaj u VKT vałodaje «Biełaruśkalij».
«Na hetym tydni LTG Cargo ŭ aficyjnym liście apaviaściła BKT ab tym, što zaklučanyja z kampanijaj kantrakty prypynieny da praviadzieńnia skrupuloznaj pravierki», — paviedamlaje Reform.by.
U jakaści pryčyny prypynieńnia kantraktaŭ nazyvajecca ŭdzieł VKT u pastaŭkach karbamidu ź Biełarusi ŭ abychod sankcyj.
«Kali kampanija žadaje adnavić akazańnie pasłuh, to ad jaje patrabujecca padać dekłaracyju ab zachavańni ŭviedzienych u Litvie mižnarodnych sankcyj i zaklučeńnie kampietentnaj litoŭskaj ustanovy ab tym, što kampanija nie padlahaje sankcyjam, u tym liku ŭskosna praz prava ŭłasnaści abo kantrol», — dadali ŭ LTG Cargo.
Treba adznačyć, što na minułym tydni asnoŭny ŭładalnik terminała Ihar Udavicki zajaviŭ, što ŭ jaho kampanii niama kantraktaŭ z ŁČ. Raniej jon užo atrymlivaŭ adabreńnie ad litoŭskich rehulataraŭ ździełki ab vykupie doli «Biełaruśkalija».
Ciapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak6
Kamientary