U Biełarusi źjavilisia turystyčnyja maršruty, pry raspracoŭcy jakich byli vykarystanyja niejronnyja sietki. Pra heta raskazaŭ kiraŭnik turystyčnaha prajekta «Paznaj Kobryn» Viktar Łahvinovič na pres-kanfierencyi 17 lutaha, piša vydańnie «Smartpres».
«Stvareńnie turystyčnych maršrutaŭ davoli pracajomkaje z-za nieabchodnaści analizu vialikaha abjomu infarmacyi. Niejronnyja sietki mohuć chutka znachodzić aptymalnyja rašeńni, jakija zastaniecca tolki trochi skaardynavać», — adznačyŭ Łahvinovič.
Niejrasietki, u pryvatnaści, dapamahajuć aptymizavać maršrut, stvarać indyvidualnyja maršruty i piersanalizavanyja prapanovy dla kožnaha turysta.
Pa słovach Łahvinoviča, pry dapamozie sietki Color Pixel, navučanaj pieratvarać čorna-biełyja fatahrafii ŭ kalarovyja i palapšać malunki, u rehijonie byli stvorany turystyčnyja maršruty «Nazad u 80-ja», «Nazad u 60-ja» i «Nazad u 40-ja».
Jašče adzin maršrut «Padarožža ŭ časie» dazvalaje aznajomicca z histaryčnymi miescami i pomnikami, jakija siońnia ŭžo nie isnujuć, ale zachavalisia na fotazdymkach.
Inšaja niejrasietka, Go Travel, jakaja dazvalaje pravodzić aŭtamatyčny analiz turystyčnych miescaŭ, vyłučyła samyja papularnyja vidy turyzmu ŭ Kobrynie. Imi akazalisia historyka-kulturny, pałomnicki, hastranamičny, mifałahičny, indyvidualna-siamiejny.
Z dapamohaj hetaj niejrasietki byŭ sfarmavany maršrut u śfiery pałomnickaha turyzmu — «Šlach pa staražytnych chramach: ad saboraŭ da staradaŭnich cerkvaŭ». Pry hetym sietka aŭtamatyčna prakłała samuju karotkuju adlehłaść na karcie, kab naviedać hetyja abjekty.
Kamientary