Čym bolš źmianiajecca klimat, tym bolš ekstremalnych źjaŭ. Čym byŭ admietny 2022-i dla Biełarusi i śvietu
Cikavyja fakty pra niezvyčajnyja pryrodnyja źjavy minułaha hoda ŭ Biełarusi i śviecie sabraŭ telehram-kanał «Dzikaja pryroda pobač».
Minułaja zima stała adnoj z samych ciopłych za ŭsiu historyju mieteanazirańniaŭ (zaniała 11-je miesca).
Studzień 2022-ha ŭvajšoŭ u dvaccatku samych ciopłych. Ale ŭ toj ža čas mienavita ŭ studzieni ŭ Kaściukovičach adznačanaja minimalnaja tempieratura pavietra za minuły hod — minus 23,8 °S.
Klimatyčnaja viasna nastupiła na poŭdni Biełarusi 4—15 lutaha — na 2—4 tydni raniej, čym zvyčajna.
Sakavik 2022 hoda staŭ samym zasušlivym z 1945 hoda. Apadkaŭ vypała ŭsiaho 17% ad klimatyčnaj normy.
A krasavik, naadvarot, staŭ samym vilhotnym za hety ž pieryjad nazirańniaŭ: kolkaść apadkaŭ pieravysiła dźvie miesiačnyja normy.
Leta stała trecim samym ciopłym letam za ŭsiu historyju mietearałahičnych nazirańniaŭ z 1881 hoda!
U červieni byli zarehistravanyja trapičnyja nočy, kali minimalnaja tempieratura pavietra za noč składała plus 20 hradusaŭ i bolš. A 28 červienia ŭ Lelčycach adznačany tempieraturny maksimum pa krainie — plus 34,3 °S.
Minuły žnivień staŭ adnym z samych ciopłych za ŭsiu historyju mieteanazirańniaŭ i čaćviortym samym zasušlivym z 1945 hoda. Apadki skłali 37% klimatyčnaj normy.
Vosień uvajšła ŭ 20 samych vilhotnych siezonaŭ z 1945 hoda.
Vierasień staŭ samym chałodnym za apošnija 20 hadoŭ. A kastryčnik — naadvarot, čaćviortym samym ciopłym za ŭsiu historyju mieteanazirańniaŭ.
2022 adznačyŭsia kataklizmami nadvorja va ŭsim śviecie.
U vieraśni nad ledzianym ščytom Hrenłandyi ŭpieršyniu išoŭ doždž, a nie śnieh.
Tracinu Pakistana zatapiła, što pryviało da vializnych ekanamičnych strat i čałaviečych achviar.
Rekordnyja ciepłavyja chvali naziralisia ŭ Kitai, Jeŭropie, Paŭnočnaj i Paŭdniovaj Amierycy.
Praciahłaja zasucha na paŭvostravie Samali pahražaje humanitarnaj katastrofaj.
Vyhladaje, što i nadalej ekstremalnyja pierapady tempieratur buduć usio bolš častymi. A kab prystasavacca da hetaj novaj realnaści, treba zapavolvać źmianieńnie klimatu.
Čytajcie taksama:
U Biełaruś užo viarnulisia pieršyja pieralotnyja ptuški
Unačy biełarusy nazirali niezvyčajnuju, ale vielmi pryhožuju astranamičnuju źjavu FOTA
Vułkaničnaja zima na doŭhija miesiacy? Heta moža nas čakać
Ciapier čytajuć
«Što vy hadaść amierykanskuju padsoŭvajecie?» Łukašenka zahadaŭ, kab u Mak.by było ŭsio biełaruskaje7
Kamientary