«Dla padrychtoŭki da novaha adkryćcia spatrebicca tydzień». U Minsku pačali zakryvać «Vitalury»
Karespandent vydańnia Blizko.by zaŭvažyŭ, što adna z kram «Vitalur» u Minsku ŭžo zakryłasia i pasprabavaŭ daviedacca, što z astatnimi i jaki ich dalejšy los.
Raniej užo paviedamlałasia, što kampanija «Vitalur» sutyknułasia ź vialikimi ciažkaściami, źviazanymi pieradusim z zapazyčanaściu pierad pastaŭščykami. Vychadam ź situacyi stała damoŭlenaść z hrupaj kampanij «Santa Rytejł» ab zdačy ŭ arendu handlovych płoščaŭ.
«U chodzie padrychtoŭki ździełki ŭ ciapierašni čas nami pravodzicca dju-dylidžans sietki «Vitalur», — paviedamiła Blizko.by pres-sakratarka «Santa Rytejł» Alena Babkina. — Miarkujecca, što pracedura pierachodu budzie rabicca pastupalna, kab zabiaśpiečyć mahčymaść pakrokavaha pahašeńnia zapazyčanaściaŭ TDA «Vitalur» pierad pastaŭščykami i arhanizavać pracu kram handlovaj sietki ŭ zvyčajnym režymie».
Pavodle infarmacyi Ludmiły (imia źmieniena pa prośbie hieraini), pierad Novym hodam u maładziečanskim filijale kandytarskaj fabryki «Słodyč», dzie jana pracuje, supracoŭnikam vydali padarunkavyja siertyfikaty na sumu 150 rubloŭ u praduktovuju kramu «Vitalur». Tak sietka vyrašyła pahasić fabrycy zapazyčanaści za pastaŭki.
Kali ž praz tydzień paśla Novaha hoda Ludmiła vyrašyła častkova skarystać siertyfikat, u kramie jaje papiaredzili, što astatniuju sumu jana pavinna vydatkavać da 22 studzienia biahučaha hoda, bo ŭ supracoŭnikaŭ handlovaj sietki heta apošni pracoŭny dzień.
U adździele raźvićcia sietki «Vitalur» paćvierdzili infarmacyju ab zakryćci mahazinaŭ pa techničnych pryčynach:
«Ciapier prachodzić pieradača abjektaŭ inšamu apierataru, tamu kramy buduć pastupova zakryvacca zhodna z hrafikam, ale pakul my nie možam jaho apublikavać — inšy apieratar jaho jašče nie ŭzhadniŭ. Ale zakrytyja jany buduć niadoŭha. Kab padrychtavać ich da novaha adkryćcia, spatrebicca kala tydnia».
Čytajcie taksama:
«Vitalur» zajaviŭ ab zakančeńni prahramy łajalnaści
Ułaśnik «Vitalura» sprabuje vyratavać sietku, ale vyhladaje, što kampanija pierastanie zajmacca roźničnym handlem
«Vitalur» moža ŭ chutkim časie zbankrutavać. Niekatoryja z rytejłu tolki i čakajuć
Ciapier čytajuć
Łukašenku na śviacie ŭ Aleksandryi supravadžała aficer Zajcava10
Kamientary