Mierkavańni55

«U biełaruskaj palitycy paniaćciami «ahient KDB» ci «ahient Maskvy» mocna złoŭžyvajuć»

Žurnalist radyjo «Svaboda» Dźmitryj Hurnievič vykazaŭsia ŭ fejsbuku pra zatrymanaha ŭčora palityka Andreja Dźmitryjeva, jaki ŭ našym hramadstvie ŭžo bolš za dziasiatak hadoŭ maje vielmi nieadnaznačnuju — choć dla mnohich całkam adnaznačnuju — reputacyju. Ci słušna na jaho čaplać ideałahičnyja cetliki? I ŭvohule ci słušna ich čaplać?

Andrej Dźmitryjeŭ byŭ adnoj ź pieršych achviar «pakajalnych videa» i atrymaŭ za heta ad mnohich klajmo zdradnika. Siońnia HUBAZiK pradukuje takija videa ŭ pramysłovych maštabach i razumnyja ludzi viedajuć, što nie varta źviartać na heta asablivaj uvahi, bo ŭ pałonie hałoŭnaje vyžyć i nie naškodzić inšym.

U 2010 hodzie heta było navinkaj, tamu mnohija, asabliva z palityčnaj tusoŭki, nie pavieryli Dźmitryjevu, što pajści na heta jon musiŭ vyklučna tamu, što siłaviki šantažavali jaho svabodaj blizkaha čałavieka.

Ale kahości heta nie pierakanała, a kamuści nie spadabałasia forma jaho apraŭdańnia. I z tych časoŭ da jaho pryčapiłasia łatka «ahienta KDB».

Ale nie tolki za heta, jašče i za formu viadzieńnia palityki.

Palitykaŭ ja padzialaju na try hatunki:

1) tyja, chto adčuvaje realnaść, pracesy, nastroi ludziej i sprabuje iści ŭ nahu z hramadstvam, nie abhaniajučy jaho, ale sprabujučy chitra ź im pracavać;

2) tyja, chto adčuvaje realnaść, pracesy, nastroi ludziej i sprabuje ich źmianić, idučy nasupierak nastrojam;

3) tyja, chto žyvie ŭ iluzii i nie razumieje ani pracesaŭ, ani nastrojaŭ ludziej, i ničoha nie robić.

Jak žurnalist ja naziraju za Dźmitryjevym šmat hadoŭ i adnošu jaho, biassprečna, da pieršych. (Kab paźbiehnuć niepatrebnaj dyskusii, adrazu skažu, što jon nie moj kandydat, ale ja sprabuju pahladzieć na situacyju abjektyŭna).

Šmat kaho biesić, što jon udzielničaje ŭ vybarach, piša zajavy ŭ sielsaviety i rajvykankamy, chodzić tudy ź ludźmi na pryjomy z čynoŭnikami, da apošniaha karystaŭsia lehalnym polem dziejnaści (i nie asabliva, darečy, z hetym pijaryŭsia).

Dla adnych hetaha chapaje, kab ličyć jaho ahientam, bo jon dziejničaje ŭ rečyščy sistemy. Ale dla Dźmitryjeva heta adzinaja forma pracy, jakuju jon ličyć efiektyŭnaj. Tamu jon spakojna razmaŭlaje i ź jabaćkami, i z amatarami Pucina, bo heta taksama biełarusy, a ŭ budučyni — patencyjnyja vybarcy.

I ŭ biełaruskaj palitycy takich palitykaŭ budzie jašče vielmi šmat, bo heta prosta paśpiachovaja palittechnałohija. (Roŭna z takoj išoŭ na vybary Viktar Babaryka).

Chto byŭ, jość ahientam ci jašče im stanie, spadziajusia, my niekali daviedajemsia dziakujučy archivam i inšym dakumientam. Niechta, imavierna, pryznajecca i sam. Ale

siońnia ŭ biełaruskaj palitycy paniaćciami «ahient KDB» ci «ahient Maskvy» mocna złoŭžyvajuć. Im stanovicca ledź nie kožny, z kim nie pahadžajecca inšy bok.

Heta ŭžo i miem, i źjava, roŭnaja «zakonu Hodvina», jakaja praduhledžvaje biessensoŭnaść dalejšaj dyskusii, kali apanient siahaje ŭ joj da arhumienta pra Hitlera i nacyzm.

Čytajcie taksama:

Zatrymali Andreja Dźmitryjeva

Kamientary5

  • Alaksiej
    12.01.2023
    Surjozna kažučy, hetyja paniaćci niedaŭžyvajuć.
    Bo ŭsim bačna, jakija turboty prachodzić biełaruskaja historyja, mova i kultura ŭ apošnija dziesiacihodździ. Źniščajuć.

    Chto heta zrabiŭ? Kali nie ahenty FSB, Kramla ci Rasiei, to ludzi, jakija aŭtamatyčna imi źjaŭlajucca. Bo zaraz my majem 90% nasielnictva, jakoje razmaŭlaje rasiejskaj, hladzić rasiejskaje TB, hladzić rasiejski juTub, słuchaje rasiejskuju muzyku.
    Što budzie, pry druhoj ci treciaj, ci čaćviortaj iteracyi sproby pašyreńnia Rasiejskaj imperyi praz 5, 15 ci 50 hadoŭ? Mentalna i kulturna rasiejskija biełarusy buduć na baku Biełarusi? Sprečna.

    Pryjemnaja navina - kožny moža zrabić krok na zachavańnie nacyi. Pišycie ŭ sacsietkach na rodnaj movie, rabicie pieravody hrošaŭ aktyŭnym biełaruskamoŭnym artystam i błohieram, raspaŭsiudžvajcie historyju i kulturu.
    Naša vajna jašče napieradzie, ale rychtavacca ŭžo treba.
    Žyvie Biełaruś!(Pamiraje KDB!)
  • Niejki siur
    12.01.2023
    Zhodzien: zusim nie abaviazkova być ahientam. Dastatkova być mutnym čełam z sumniŭnymi mietadami i niezrazumiełymi metami.
  • Łoł
    12.01.2023
    Dźmitryjeŭ byŭ ručny sa svajoj partyjaj i kankuravaŭ z Kanapackaj za peŭnaje miesca ŭ sistemie. Pieramahła Kanapackaja (darečy, jak voźmuć Kanapackuju naprykład, Hurnievič taksama napiša paniehiryk pra palityka jaki nie abhaniaŭ hramadstva?). Uzhadvać 10 hod taksama niedarečy, bo praz pakajalnyja videa jon nie adzin prajšoŭ, Michalevič uvohule zajaviŭ pra viarboŭku KDB (darečy, ci zajaŭlaŭ Dźmitryjeŭ ?! Nie pavieru što jaho nie vierbavali). Prablemy Dźmitryjeva nie ŭ 10 hodzie, a ŭ tym, što jon nikoli nifiha nie rabiŭ, a byŭ niesistemnym spojleram na vybarach, biazzubym i niecikavym, a tamu biaśpiečnym. Uzhadajem chto rychtavaŭ Karatkievič u 15 hodzie i ŭsio ŭstaje na svaje miescy. Mnie krychu škada Dźmitryjeva, jon padyhryvaŭ sistemie jak moh, ale jaho pasadka była niepaźbiežnaj, jak i pasadka Kanapckaj, kali ŭsio pojdzie zusim kiepska.

Ciapier čytajuć

Tehieran haryć. Izrailskija źniščalniki praciahvajuć udary, pakul SPA Irana biaśsilnaja6

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Usie naviny →
Usie naviny

U Dubai zahareŭsia 67-paviarchovy chmaračos3

Što moža čakać tych, kaho buduć sudzić pa spravie «Biełaruskaha Hajuna»?

Łukašenka parekamiendavaŭ biełarusam nie nalahać na bulbu13

Izrailcianam prychodziać špijonskija paviedamleńni ad karespandentki ANT10

Usploski zakazaŭ picy kala Pientahona mahli śviedčyć pra budučuju ataku na Iran9

Dyrektarka dziciačaha centra, dzie razmaŭlajuć vyklučna na ruskaj, abvinavačvaje čynoŭnikaŭ i dziaržaŭnych žurnalistaŭ u chłuśni27

Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1

U vyniku ŭdaraŭ Izraila pa Iranie likvidavanyja dzieviać viadučych fizikaŭ-jadzierščykaŭ4

Rabavańni, zhvałtavańni i navat kradziež adzieńnia z truny: Minsk kryminalny pry Stalinie2

bolš čytanych navin
bolš łajkanych navin

Tehieran haryć. Izrailskija źniščalniki praciahvajuć udary, pakul SPA Irana biaśsilnaja6

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić