U Biełarusi z hetaha času zamiežnyja farmkampanii i ich pradstaŭnictvy zmohuć udzielničać tolki ŭ tych kanfierencyjach, jakija prachodziać pad ehidaj Ministerstva achovy zdaroŭja. Pra heta paviedamiŭ ministr achovy zdaroŭja Dźmitryj Pinievič, kamientujučy zajavy Hienprakuratury ab vyjaŭlenaj schiemie schavanaha podkupu miedykaŭ zamiežnymi farmaceŭtyčnymi kampanijami.
Jak paviedamiŭ telekanał «Biełaruś 1», pravaachoŭniki ŭstanavili, što zamiežnyja farmkampanii praz svaje pradstaŭnictvy zaklučajuć dahavory padradu ź biełaruskimi daktarami na čytańnie lekcyj za hrašovaje ŭznaharodžańnie. Faktyčna havorka idzie ab rekamiendacyjach pacyjentam vykarystoŭvać peŭnyja preparaty. Suma niezakonnaha ŭznaharodžańnia pa vyjaŭlenych faktach aceńvajecca ŭ 1,33 młn rubloŭ.
Pa danych načalnika ŭpraŭleńnia pa baraćbie z karupcyjaj i arhanizavanaj złačynnaściu Hienieralnaj prakuratury Ihara Hrejby, u dačynieńni da rabotnikaŭ pradstaŭnictvaŭ zamiežnych kampanij z Rumynii i Šviejcaryi zaviedziena dzieviać kryminalnych spraŭ pa faktach pieradačy 62 miedrabotnikam niezakonnych uznaharodžańniaŭ bolš čym na 400 tysiač rubloŭ.
Z ulikam vyjaŭlenych schiem prasoŭvańnia zamiežnych preparataŭ Hienprakuratura i Ministerstva achovy zdaroŭja raspracoŭvajuć miery procidziejańnia.
Ministr achovy zdaroŭja Dźmitryj Pinievič ličyć, što varta zabaranić usie inšyja adukacyjnyja mierapryjemstvy z udziełam lekaraŭ, akramia mižnarodna-praktyčnych kanfierencyj VNU, pakolki «pad vyhladam aśvietnickaj dziejnaści rabiłasia niezakonnaja apłata za prasoŭvańnie miedycynskich tavaraŭ».
Astatnija asabistyja kantakty z zamiežnymi pradstaŭnictvami buduć źviedzieny na ništo, pakul my nie vypracujem, moža być, niejkija novyja kodeksy sumiesna z MUS i Hienprakuraturaj», — skazaŭ ministr.
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?16
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary