Makron znoŭ zahavaryŭ pra harantyi biaśpieki dla Rasii, «kali jana vierniecca za stoł pieramovaŭ»
Prezident Francyi Emanuel Makron pavodle vynikaŭ vizitu ŭ ZŠA daŭ intervju, u jakim zakranuŭ temu budučaj architektury biaśpieki ŭ Jeŭropie, piša «Mieduza».
Jon zajaviŭ, što ciapier va Ukrainie «na kartu pastaŭlenyja pryncypy Statuta AAN, a mienavita terytaryjalnaja cełasnaść i nacyjanalny suvierenitet», i što Francyja praciahnie akazvać padtrymku Kijevu.
«U najbližejšyja tydni my pavinny budziem dapamahčy Ukrainie vystajać… [my pavinny budziem] paźbiehnuć eskałacyi i dakładna ŭmiašacca, kab abaranić [ukrainskija] elektrastancyi i padrychtavacca da taho dnia, kali ŭsie viernucca da pieramovaŭ», — skazaŭ Makron.
Francuzski lidar skazaŭ, što padčas vizitu ŭ ZŠA abmierkavaŭ z prezidentam Džo Bajdenam «architekturu biaśpieki, u jakoj my chočam žyć zaŭtra». Makron taksama nahadaŭ pra aściarohi Rasii z nahody taho, što NATO «pryjdzie da jaje dźviarej».
«Hetaja tema budzie častkaj faktaraŭ miru, i tamu my taksama pavinny padrychtavacca da jaje: što my hatovyja zrabić, jak my abaronim našych chaŭruśnikaŭ, dajučy pry hetym harantyi ŭłasnaj biaśpieki Rasii ŭ toj dzień, kali jana vierniecca za stoł [pieramovaŭ]», — zajaviŭ prezident Francyi.
U červieni 2022 hoda Emanuel Makron zajaviŭ, što Rasiju «nielha źnievažać, kab, kali bai spyniacca, možna było znajści vychad ź situacyi dypłamatyčnym šlacham». Kiraŭnik MZS Ukrainy Dźmitryj Kuleba adkazaŭ, što «Rasija prynižaje siabie sama».
Analityki amierykanskaha Instytuta vyvučeńnia vajny (ISW) miarkujuć, što Rasija nie zacikaŭlenaja ŭ mirnych pieramovach z Ukrainaj, ale sprabuje pierakanać krainy Zachadu ŭ advarotnym, kab tyja zahadzia pajšli na sastupki sami i schilili da ich Ukrainu.
Ciapier čytajuć
Čamu amierykancy tak irvucca na Miesiac, što tam buduć zdabyvać? I što da taho biełarusam? Tłumačyć biełaruski astrafizik5
Kamientary