U Čyrvony kaścioł pastavili «kryzisnaha mieniedžara». Heta moža być umova łukašenkaŭcaŭ
Na pasadu administratara ŭ Čyrvony kaścioł pryznačany pres-sakratar Katalickaha kaścioła ŭ Biełarusi Juryj Sańko. Pra funkcyi Uładzisłava Zavalniuka ničoha nie paviedamlajecca.
«Ksiondz-kanonik Juryj Sańko pryznačany administrataram parafii śviatoha Symona i śviatoj Aleny ŭ horadzie Minsku dla viadzieńnia spraŭ, źviazanych z ramontam i budaŭničymi pracami ŭ parafijalnaj śviatyni, u jakaści aficyjnaha pradstaŭnika parafii i Minska-Mahiloŭskaj Mitrapalitalnaj kuryi ŭ viadzieńni pieramoŭ ź dziaržaŭnymi ŭładami», — paviedamlaje Catholic.by.
«Časovaje raźmiaščeńnie i viadzieńnie parafijalnaj dziejnaści abščyny kaścioła śviatoha Symona i śviatoj Aleny budzie adbyvacca ŭ parafii Imia Najśviaciejšaj Dzievy Panny ŭ Minsku (archikafiedra, pł. Svabody, 9)», — havorycca ŭ paviedamleńni Minska-Mahiloŭskaj Mitrapalitalnaj kuryi adnosna dalejšaha funkcyjanavańnia parafii śviatoha Symona i śviatoj Aleny ŭ Minsku.
Z momantu kanfiskacyi Čyrvonaha kaścioła ksiondz Uładzisłaŭ krytykavaŭ kiraŭnictva Kaścioła ŭ Biełarusi za faktyčnuju biaździejnaść, padymaŭ pytańnie kanfiskacyi, pryciahvaŭ uvahu ŚMI. Jon kiravaŭ parafijaj Čyrvonaha kaścioła 30 hadoŭ.
Paśla taho, jak byŭ zakryty kaścioł, Zavalniuk uładkavaŭsia dvornikam pry parafii.
25 listapada ministr zamiežnych spraŭ Biełarusi Uładzimir Makiej sustrakaŭsia z apostalskim nuncyjem Ante Ëzičam. Pa aficyjnaj infarmacyi, havorka išła pra pytańni supracy dziaržavy i Kaścioła. Mahčyma, na toj sustrečy i było ahučanaje patrabavańnie ŭładaŭ adchilić ksiandza Uładzisłava Zavalniuka — aktyŭnaha śviatara, jaki ciesna supracoŭničaŭ z hramadzianskaj supolnaściu krainy. «Naša Niva» nie maje infarmacyi, što kankretna abmiarkoŭvałasia na sustrečy Makieja z Ëzičam.
Nahadajem, nočču 26 vieraśnia ŭ kaściole adbyŭsia pažar. U toj ža dzień administracyja Maskoŭskaha rajona pryniała rašeńnie časova zabaranić ekspłuatacyju budynka. Kaścioł adklučyli ad usich kamunikacyj. Minharvykankam zajaviŭ, što ŭładalnik budynka, KUP «Minskaja spadčyna», nie moža vykonvać abaviazacielstvy pa damovie, i zapatrabavaŭ ad relihijnaj abščyny vyzvalić budynak ad ruchomaj majomaści dla praviadzieńnia ramontna-adnaŭlenčych rabot.
Čytajcie taksama:
Mitrapalit Stanieŭski stvaryŭ «kalehijalnaha» probašča dla parafii śviatoha Symona i śviatoj Aleny. Što heta aznačaje?
Ksiondz Uładzisłaŭ Zavalniuk staŭ dvornikam pry Čyrvonym kaściole
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary
https://realt.onliner.by/2017/10/09/krasnyj-kostel ?