Грамадства77

У Чырвоны касцёл паставілі «крызіснага менеджара». Гэта можа быць умова лукашэнкаўцаў

На пасаду адміністратара ў Чырвоны касцёл прызначаны прэс-сакратар Каталіцкага касцёла ў Беларусі Юрый Санько. Пра функцыі Уладзіслава Завальнюка нічога не паведамляецца.

Уладзіслаў Завальнюк

«Ксёндз-канонік Юрый Санько прызначаны адміністратарам парафіі святога Сымона і святой Алены ў горадзе Мінску для вядзення спраў, звязаных з рамонтам і будаўнічымі працамі ў парафіяльнай святыні, у якасці афіцыйнага прадстаўніка парафіі і Мінска-Магілёўскай Мітрапалітальнай курыі ў вядзенні перамоў з дзяржаўнымі ўладамі», — паведамляе Catholic.by.

«Часовае размяшчэнне і вядзенне парафіяльнай дзейнасці абшчыны касцёла святога Сымона і святой Алены будзе адбывацца ў парафіі Імя Найсвяцейшай Дзевы Панны ў Мінску (архікафедра, пл. Свабоды, 9)», — гаворыцца ў паведамленні Мінска-Магілёўскай Мітрапалітальнай курыі адносна далейшага функцыянавання парафіі святога Сымона і святой Алены ў Мінску.

З моманту канфіскацыі Чырвонага касцёла ксёндз Уладзіслаў крытыкаваў кіраўніцтва Касцёла ў Беларусі за фактычную бяздзейнасць, падымаў пытанне канфіскацыі, прыцягваў увагу СМІ. Ён кіраваў парафіяй Чырвонага касцёла 30 гадоў.

Пасля таго, як быў закрыты касцёл, Завальнюк уладкаваўся дворнікам пры парафіі.

25 лістапада міністр замежных спраў Беларусі Уладзімір Макей сустракаўся з апостальскім нунцыем Антэ Ëзічам. Па афіцыйнай інфармацыі, гаворка ішла пра пытанні супрацы дзяржавы і Касцёла. Магчыма, на той сустрэчы і было агучанае патрабаванне ўладаў адхіліць ксяндза Уладзіслава Завальнюка — актыўнага святара, які цесна супрацоўнічаў з грамадзянскай супольнасцю краіны. «Наша Ніва» не мае інфармацыі, што канкрэтна абмяркоўвалася на сустрэчы Макея з Ëзічам.

Нагадаем, ноччу 26 верасня ў касцёле адбыўся пажар. У той жа дзень адміністрацыя Маскоўскага раёна прыняла рашэнне часова забараніць эксплуатацыю будынка. Касцёл адключылі ад усіх камунікацый. Мінгарвыканкам заявіў, што ўладальнік будынка, КУП «Мінская спадчына», не можа выконваць абавязацельствы па дамове, і запатрабаваў ад рэлігійнай абшчыны вызваліць будынак ад рухомай маёмасці для правядзення рамонтна-аднаўленчых работ.

Чытайце таксама:

Мітрапаліт Станеўскі стварыў «калегіяльнага» пробашча для парафіі святога Сымона і святой Алены. Што гэта азначае?

Ксёндз Уладзіслаў Завальнюк стаў дворнікам пры Чырвоным касцёле 

Каментары7

  • BLR
    01.12.2022
    О як
  • хх
    01.12.2022
    это этот, который хотел сделать с костелом это -
    https://realt.onliner.by/2017/10/09/krasnyj-kostel ?
  • Чаркашкварка
    01.12.2022
    BLR, а як? Касцел польске гэта такiя жа прыспасабленцы i двулiчнiкi як i маскоуская бпц.

Цяпер чытаюць

У фінскім серыяле расіяне высаджваюць дэсант з самалёта «Белавія». Што робяць Суомі?3

У фінскім серыяле расіяне высаджваюць дэсант з самалёта «Белавія». Што робяць Суомі?

Усе навіны →
Усе навіны

Страляніна ў аўстрыйскім Грацы: горад шакаваны нападам на школу і пагрузіўся ў жалобу2

Камандуючым НАТА стаў генерал Грынкевіч. Уражвае, наколькі ён падобны да некаторых Грынкевічаў, якія жывуць у Беларусі21

Пры атацы шахедаў на Харкаў загінулі два чалавекі, сярод пацярпелых — дзеці

«Застаецца раўці як бялуга». Рыжанкоў у Маскве расказаў пра поўны крах краін Балтыі28

У Беларусі расце колькасць фермерскіх гаспадарак. Чым яны займаюцца?

У першым матчы на новым футбольным стадыёне беларуская зборная ўчыстую прайграла Расіі4

У свеце існуе толькі адна краіна, здольная цалкам забяспечваць сябе ежай4

Стала вядома, у якіх абласцях найбольш ІП і юрасоб, а дзе іх найбольш закрылася

«У палітыцы была справа». Лукашэнка высветліў, чаму беларусам не хапіла бульбы17

больш чытаных навін
больш лайканых навін

У фінскім серыяле расіяне высаджваюць дэсант з самалёта «Белавія». Што робяць Суомі?3

У фінскім серыяле расіяне высаджваюць дэсант з самалёта «Белавія». Што робяць Суомі?

Галоўнае
Усе навіны →

Заўвага:

 

 

 

 

Закрыць Паведаміць