Chryścijanskaja vizija: Mitrapalit Stanieŭski stvaryŭ «kalehijalnaha» probašča dla parafii śviatoha Symona i śviatoj Aleny. Što heta aznačaje?

Siarod inšaha, paviedamlajecca, što ks. Juryj Sańko byŭ pryznačany «administrataram parafii śviatoha Symona i śviatoj Aleny ŭ horadzie Minsku dla viadzieńnia spraŭ, źviazanych z ramontam i budaŭničymi pracami ŭ parafijalnaj śviatyni, u jakaści aficyjnaha pradstaŭnika parafii i Minska-Mahiloŭskaj Mitrapalitalnaj kuryi ŭ viadzieńni pieramoŭ ź dziaržaŭnymi ŭładami».

Pavodle kanonaŭ Katalickaj Carkvy, biskup maje prava davieryć apieku nad parafijaj adrazu niekalkim śviataram, «kali hetaha patrabujuć akaličnaści». Pry hetym adzin z ksiandzoŭ zastajecca maderataram i adkaznym za parafiju pierad biskupam. U kamunikacie zusim nie abhavorvajecca rola Zavalniuka, a jaho asoba nie zhadvajecca. Z čym heta źviazana, nieviadoma, źviartaje ŭvahu telehram-kanał «Chryścijanskaja vizija».

Pavodle vusnaj infarmacyi, atrymanaj telehram-kanałam, ks. Zavalniuk zastajecca probaščam. Ale ŭ čym budzie zaklučacca jahonaja rola, pakul možna tolki hadać. Takim čynam, my sutykajemsia z redkaj źjavaj u biełaruskim Kaściole — častka adkaznaści za parafiju pieradajecca inšamu śviataru bieź źmieny probašča. U čym pryčyna?

Niesupadzieńnie pohladaŭ Minska-Mahiloŭskaj Mitrapalitalnaj kuryi i ks. Zavalniuka pa stratehii dziejańniaŭ u situacyi zakryćcia i faktyčnaha adabrańnia Čyrvonaha kaścioła ŭ viernikaŭ było vidavočnym ad samaha pačatku.

Publičnaja malitva probašča pierad uvachodam, rezki zvarot parafijalnaha kamiteta da ŭładaŭ, zaprašeńnie na raźvitalnuju imšu i finalnaje ŭładkavańnie probašča dvornikam mocna kantrastavała sa strymanaj reakcyjaj mitrapalita Stanieŭskaha. Kali na pieršaj sustrečy z uładami jašče prysutničaŭ ks. Zavalniuk i pradstaŭniki parafijalnaha kamiteta, to na nastupnych abychodzilisia bieź jaho.

Vierahodna, što ŭ pryvatnaj kamunikacyi arcybiskup Juzaf prasiŭ ci patrabavaŭ u ks. Zavalniuka ŭstrymacca ad niejkich krokaŭ, adnak farmalna ijerarch nie moža zabaranić probašču rabić tak, jak toj ličyć pravilnym.

Vierahodna va ŭmovach cisku režymnych uładaŭ na Minska-Mahiloŭskaha mitrapalita, jon vyrašyŭ zabrać častku ŭłady probašča ŭ ks. Zavalniuka i nadzialić joj ks. Juryja Sańko.

To-bok farmalna ciapier jon nie moža ŭmiešvacca ŭ spravy «źviazanyja z ramontam i budaŭničymi pracami ŭ parafijalnaj śviatyni», a taksama vieści «pieramovy ź dziaržaŭnymi ŭładami».

Chutčej za ŭsio, kuryi stała vidavočna, što havorki pra chutkaje viartańnie kaścioła ci abiacanaje pamiaškańnie dla viernikaŭ užo nie idzie. Dva miesiacy situacyja zastavałasia ŭ padviešanym stanie, i ciapier mitrapalit sprabuje raźmiežavać paŭstałuju situacyju — ks. Zavalniuk zastajecca probaščam, a «taksičnaj» spravie Čyrvonaha kaścioła vyznačany «kryzisny mieniedžar» ks. Juryj Sańko.

U Čyrvony kaścioł pastavili «kryzisnaha mieniedžara». Heta moža być umova łukašenkaŭcaŭ

• 2
• 0
• 0
• 1
• 3
• 16
• 5
• 0