Recept na vychadnyja. Bulba ź biekonam i miodam — lohkaja, sytnaja i takaja pryhožaja
Prypraŭlenaja syram i miodam, hetaja bulba — prykład samadastatkovaj stravy z samaha ŭlubionaha biełaruskaha praduktu.
Fota: BBC Food
Kab zrabić smažanuju bulbu ź biekonam i miodam, vam spatrebicca:
- 4 bulbiny (abiarycie ich i narežcie na kubiki daŭžynioj 2 santymietry)
- 1 hałoŭka časnaku
- 1 stałovaja łyžka aleju + jašče trochi dla palivańnia
- 3 pałoski biekonu, narezanyja na kavałki
- 2 stałovyja łyžki vadkaha miodu
- drobka šmatkoŭ piercu čyli (ci drobka mołataha čyrvonaha piercu)
- sol
- syr fieta dla pasypańnia
- pasiečanaja piatruška dla ŭpryhožvańnia
- Pakładzicie bulbu ŭ kastrulu i zalicie chałodnaj vadoj, dadajcie 1 stałovuju łyžku soli. Daviadzicie da kipieńnia i varycie 7—8 chvilin abo da miakkaści. Źlicie vadu i pakińcie bulbu ŭ kastruli na 10 chvilin.
- Razahrejcie duchoŭku da 220 hradusaŭ.
- Pakryjcie blachu słojem aleju i pastaŭcie jaje ŭ duchoŭku na 10 chvilin.
- Raźbiarycie hałoŭku časnaku na zubki i pakładzicie ich na kvadrat z folhi. Apyrskajcie časnok alejem i zaharnicie jaho ŭ folhu tak, kab jon byŭ zapiačatany.
- Pakładzicie padrychtavanuju bulbu i časnok na blachu i zapiakajcie na praciahu 30 chvilin. Pieramiašajcie bulbu i zapiakajcie jašče 10—15 chvilin ci pakul jana nie stanie chrustkaj i załacista-karyčnievaj.
- Kali bulba budzie amal hatovaja, absmažcie biekon na patelni, pakul jon nie stanie chrustkim i nie padrumianicca z usich bakoŭ.
- Dadajcie da biekonu miod i pierac čyli, pieramiašajcie.
- Pakryjcie bulbu sumieśsiu biekonu ź miodam i vyciśnicie z łupiny niekalki zubkoŭ smažanaha časnaku (kolki — vyrašać vam). Dobra ŭsio pieramiašajcie, kab bulba była całkam pakrytaja biekonam z dadatkami.
- Pasypcie bulbu syram fieta i piatruškaj i padavajcie.
Čytajcie taksama:
Recept na vychadnyja. Čypsy z harodniny — niezvyčajna, prosta i ekanomna
Recept na vychadnyja. Pica ŭ kołcach — i vašy dzieci buduć piščać
Recept na vychadnyja. Kieks z buraka — niezvyčajna i niečakana smačna
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary