Recept na vychadnyja. Čypsy z harodniny — niezvyčajna, prosta i ekanomna
Hetyja čypsy zapaminajucca, mnohim padabajucca. I pry hetym jany vielmi zdarovyja. Morkva, burak, batat, pastarnak, sielderej — ich možna rabić z čaho chočaš. U našym recepcie čypsy treba hatavać u duchoŭcy, ale jaje možna zamianić i na aerahryl ci fryciurnicu — my padkažam, jak.
Fota: BBC Food
Kab zhatavać čypsy z harodniny, vam spatrebiacca:
- 2 ačyščanyja i tonka narezanyja buraki
- 2 ačyščanyja i tonka narezanyja morkviny
- 1 vialiki pastarnak, ačyščany i tonka narezany
- 1 stałovaja łyžka aleju
- pałova čajnaj łyžki sušanaha arehana ci pravansalskich traŭ (kali lubicie)
- čverć čajnaj łyžki sušanaha časnaku
- sol i mołaty čorny pierac
- Raskładzicie harodninu na blasie dla vypiakańnia i prasušycie jaje survetkami abo čystym ručnikom — naprykład, papiarovym. Kali ŭ vas jość čas, pakińcie harodninu zahornutaj u papiarovy ručnik na 5-10 chvilin, bo heta zrobić jaje bolš chrustkaj.
- Razahrejcie duchoŭku da 190 hradusaŭ.
- Pakładzicie harodninu ŭ vialikuju misku, apyrskajcie jaje alejem, prypraŭcie sollu i piercam. Pieramiašajcie harodninu, kab usie jaje kavałki byli zmazanyja alejem. Raŭnamierna raskładzicie harodninu pa dźviuch blachach. Vypiakajcie jaje ŭ duchoŭcy 15 chvilin, potym pieraviarnicie i vypiakajcie jašče 8—12 chvilin, pakul harodnina nie padsušycca i nie stanie załacista-karyčnievaj. Kali zamiest duchoŭki ŭ vas fryciurnica, hatujcie čypsy 5—7 chvilin pry tempieratury 180 hradusaŭ abo pakul jany nie padsušacca i nie stanuć karyčnievymi.
- Pasypcie śpiecyjami, kali vy ich vykarystoŭvajecie, i pakińcie harodninu, kab jana astyła pierad padačaj. Lepš za ŭsio źjeści čypsy ŭ dzień hatavańnia, ale ich možna zachoŭvać u kantejniery biez dostupu pavietra da troch dzion. Pierad padačaj pastaŭcie čypsy ŭ haračuju duchoŭku na 3 chviliny, paśla hetaha jany pavinny zastacca chrustkimi nazaŭsiody.
- Kab źnizić kolkaść śmiećcia na kuchni, vy možacie rabić takija čypsy sa skurak luboj syroj harodniny. Prypraŭcie ich, jak skazana vyšej, i hatujcie ŭ duchoŭcy pry tempieratury 190 hradusaŭ 12—15 chvilin abo ŭ fryciurnicy pry tempieratury 180 hradusaŭ 8—10 chvilin.
Čytajcie taksama:
Recept na vychadnyja. Kiš z syru i cybuli — prostaja francuzskaja strava
Recept na vychadnyja. Kieks z buraka — niezvyčajna i niečakana smačna
Recept na vychadnyja. Blin pa-finsku
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?13
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
parajcie hety recepcik ŭkraincam, jakija zastalisia biez elektryčnaści