Niamieckaja palicyja aryštavała 30 karcin ź jachty aliharcha Usmanava. Siarod ich była karcina Marka Šahała
U Hamburhu pry pieratrusie ŭ schoviščy dla tvoraŭ mastactva palicyja kanfiskavała 30 karcin (u tym liku pracu Marka Šahała), jakija raniej znachodzilisia na jachcie rasijskaha biznesoŭca Ališera Usmanava Dilbar. U suviazi z nakładzienymi na jaho sankcyjami Usmanaŭ byŭ abaviazany paviedamić uładam FRH pra svaje aktyvy ŭ krainie, uklučajučy hetyja tvory mastactva, adnak, miarkujučy pa ŭsim, jon hetaha nie zrabiŭ, adznačaje «Nastojaŝieje vriemia».
Pavodle źviestak haziety, ahulny košt kanfiskavanych karcin składaje niekalki miljonaŭ jeŭra.
U 2021 hodzie 156-mietrovaja jachta kłasa luks Dilbar, košt jakoj aceńvajecca ŭ paŭmiljarda jeŭra, stała na kapitalny ramont na hamburhskaj karabielni Bloom+Voss. U krasaviku 2022 hoda hiermanskija ŭłady ŭstanavili, što aficyjna jaje ŭłaśnicaj značycca siastra Ališera Usmanava — Hulbachor Ismaiłava, jakaja taksama znachodzicca pad sankcyjami ES. Z tych časoŭ jachta była zabłakavanaja. 22 vieraśnia Dilbar pakinuła Hamburh i była pieraviedziena na karabielniu Lemwerder pablizu Bremiena.
Paviedamlajecca, što pra karciny hiermanskim uładam paviedamiŭ art-kansultant, jaki pieradaŭ im šyrokuju dakumientacyju.
Ciapier čytajuć
U minskim mietro prachodziać vyprabavańni novyja ciahniki FOTY2
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary