Navukoŭcy: Kali ŭ junactvie pić adnamu, heta moža paźniej pryvieści da ałkahalizmu
Novaje daśledavańnie pakazała, što kali ŭ padletkavym i junackim uzroście pić ałkahol adnamu, heta značna pavialičvaje ryzyku raźvićcia ałkahalizmu ŭ paźniejšym uzroście. Niebiaśpieka asabliva vysokaja ŭ vypadku z žančynami.
Kamanda navukoŭcaŭ z Univiersiteta Mičyhana praanalizavała danyja ankietavańnia 4,5 tysiačy padletkaŭ. Va ŭzroście 22-23 hady i 35 hadoŭ tyja ž respandenty znoŭ pradstavili infarmacyju pra svaje zvyčki ŭžyvańnia ałkaholu, piša CNN.
25% z padletkaŭ, što ŭžyvajuć ałkahol, pryznalisia, što pjuć u samocie. U vypadku z bolš starejšaj katehoryjaj — 22-23 hady — adpaviednaja ličba skłała 40%. Kali padletki byli schilnyja da pićcia ałkaholu ŭ adzinocie, heta pavyšała na 35% imaviernaść ichniaha ałkahalizmu va ŭzroście 35 hadoŭ.
Cikava, što vyniki vielmi adroźnivalisia ŭ zaležnaści ad poła raspandentaŭ. Kali razmova išła pra žančyn, zvyčka pić adnamu ŭ junactvie pavyšała imaviernaść paźniejšaha ałkahalizmu ažno na 86%, u vypadku z mužčynami — tolki na 8%. Kali ž čałaviek časta piŭ adzin va ŭzroście 22-23 hady, heta pavyšała ryzyku ałkahalizmu na 60%, ale ŭ hetym vypadku poł respandenta nie ŭpłyvaŭ na vynik.
Ekśpiertaŭ taksama turbuje, što padčas pandemii šmat chto z maładych ludziej pačaŭ skardzicca na adčuvańnie stresu, prablemy ź psichičnym zdaroŭjem i toje, što jany nie mohuć dać rady niehatyŭnym emocyjam. Reč u tym, što maładyja ludzi čaściej za ŭsio pjuć u adzinocie, kali žadajuć dać rady niehatyŭnym emocyjam. Kali padčas stresavaha času, jakim źjaŭlajecca pandemija, u čałavieka raźvilisia takija adnosiny z ałkaholem, u budučyni jon moža pačać pić jaho ŭsio bolš i bolš, što vyklikaje źjaŭleńnie novych prablem z ałkaholem.
Złoŭžyvajecie ałkaholem? Vaša skura heta pakaža
Rasijski narkołah paraiŭ zajadać ałkahol bulbaj. I heta maje navukovy hrunt
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary