Biełaruskija prahramisty z dapamohaj dapoŭnienaj realnaści pakazali, jak vyhladajuć razburanyja rasijanami ŭkrainskija harady
Biełaruskija i ŭkrainskija raspracoŭščyki prahramy dapoŭnienaj realnaści Look Out My Window zamianili ŭvieś kantent prahramy na videa z razburanych ukrainskich haradoŭ. Zaraz vy možacie zrabić u svajoj kvatery virtualnaje akno i pahladzieć, jak vyhladajuć zrujnavanyja rasijanami ŭkrainskija harady.
AR. TEAM (Augmented Reality) — kampanija ź biełaruskimi karaniami, jakaja z 2020 hoda pracuje va Ukrainie.
Kali pačałasia pandemija kavidu i ludzi masava pajšli na damašnija samaizalacyi, kampanija raspracavała prahramu Look Out My Window, jakaja dazvalała z dapamohaj dapoŭnienaj realnaści stvarać virtualnaje akno ŭ vašaj kvatery, i takim čynam nazirać, jak vyhladaje žyćcio ŭ roznych kutočkach śvietu. Možna było ŭ anłajnie dadavać vid sa svajho akna ŭ ahulnuju suśvietnuju bazu. Voś jak heta vyhladała.
Ale ciapier raspracoŭščyki zamianili ŭvieś videakantent prahramy na kadry razburanych ukrainskich haradoŭ. Zaraz vy možacie prymierać u svajoj kvatery virtualnaje akno z haradoŭ Ukrainy: Maryupala, Kramatorska, Bučy, Irpiania, Baradzianki i Charkava.
Raspracoŭščyki takim svaim krokam chočuć źviarnuć uvahu na situacyju va Ukrainie na fonie vajny i humanitarnaj katastrofy.
«U nas siabry ź Irpiania i inšych haradoŭ Ukrainy. Nie viedaju, ci mahčyma z dapamohaj prahramy choć kryšačku adčuć toj žach i tuju katastrofu, ź jakoj sutyknulisia ŭkraincy. My chacieli pakazać, što śviet užo nie budzie takim, jakim jon byŭ raniej. Chacieli choć trochi padtrymać ukraincaŭ, bo nam nie ŭsio adno», — skazaŭ «Našaj Nivie» adzin z raspracoŭščykaŭ prahramy.
Karystalniki mohuć dasłać raspracoŭščykam na hety mejł novyja videa z Ukrainy, jakija potym buduć dadadzieny u prahramu.
Taksama možna dasłać inšyja idei, jak AR moža dapamahčy Ukrainie ci Biełarusi. Prahramisty realizujuć najlepšyja zadumy.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»9
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary