«Miarkuju, nas vyrašyli zdać achoŭniki». Aktyvistka Halina Łahackaja vyjšła na volu paśla 15 sutak
Žančyna raskazała padrabiaznaści svajho zatrymańnia. Paśla 2020-ha heta jaje šosty aryšt.
«My razam ź siabroŭkaj raźviešvali ŭlotki z nadpisami «Nie — vajnie» ŭ rajonie Aŭtazavoda. Heta było 6 sakavika. Padyšli jašče da zavoda pahladzieli ekspanaty, došku honaru. I pierajšli na druhi bok. Ludziej na vulicy nie było.
Miarkuju, što heta achoŭniki nas vyrašyli zdać. Ź mikraaŭtobusa vyjšła žančyna, spytała, što ŭ mianie ŭ pakiecie. Ja skazała, što nie abaviazana adkazvać. Jana vyklikała milicyju», — kaža Halina.
Pieršuju noč žančyna razam ź siabroŭkaj praviała ŭ Zavodskim RUUS. Na nastupny dzień adbyŭsia sud. Halinie prysudzili 15 sutak i advieźli na Akreścina.
«Skłali pratakoł na mianie za ŭdzieł u masavym mierapryjemstvie, jakoha nie było. U tym RUUS było čysta, u adroźnieńnie ad inšych. U IČU vopratku vierchniuju zabirali. Ja skazała, što addavać nie budu. Dyk jany prydumali, jak nas padmanuć. Vyvieli na špacyr, potym prapanavali paviesić palito i nie addali.
U CIP ničoha nie źmianiłasia. Pieradačy nie dajuć, niedachop tualetnaj papiery i myła. Mabyć, tam nahladčykam ich nie vydajuć i im niama čaho nam dać.
Ciapier tam ciopła, navat horača.
Ja časta siadžu. Heta ŭžo byŭ moj šosty raz paśla 2020 hoda. Mahu skazać, što hrubijanstvaŭ u hety raz nie było. U kamiery ja siadzieła ź dźviuma prafiesarkami. Jany nam lekcyju čytali, vielmi cikava było. Nas u dvuchmiesnaj kamiery było čałaviek 13, u šaścimiesnaj — 27. Darečy, niejak vielmi šmat ałkaholikaŭ stała. Zakryli ž vyćviareźniki, ciapier im niama kudy padziecca», — dzielicca žančyna.
Čytajcie pa temie:
60-hadovuju Halinu Łahackuju, jakuju zatrymali 9 Maja z partretam taty-vieterana, trymali ŭ kamiery biez matracaŭ i z vošami
-
Rasijaninu, jaki pjanym pabiŭsia z achoŭnikami minskaha mietro, vynieśli łahodny prysud
-
Łatuška pra mahčymaść vajny ŭ Biełarusi: Heta ž varjactva, nie ŭjaŭlaju, jak kramloŭskaja prapahanda budzie tłumačyć heta
-
«Da kanca hoda, spadziajusia, zmožam realizavać adnu-dźvie rečy». Babaryka — pra svoj novy prajekt i biełaruskuju movu
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»30
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary