Premjer Litvy: Jurysty staranna acanili ŭsie ryzyki skasavańnia damovy Litoŭskaj čyhunki z «Biełaruśkalijem»
Premjer-ministr Litvy Inhryda Šymanicie, vystupajučy siońnia na pasiadžeńni adnoj z parłamienckich frakcyj, zajaviła, što jurysty staranna acanili ryzyki skasavańnia damovy Litoŭskaj čyhunki z «Biełaruśkalijem», piša delfi.lt.
Šymanicie skazała:
«Samy biaśpiečny sposab skasavańnia damovy — heta zaŭsiody skasavańnie damovy pa pahadnieńni bakoŭ, ale pakolki takoha skasavańnia ŭ hetym vypadku było b składana čakać, ja ŭpeŭnienaja, što jurysty, jakija analizavali situacyju, acanili ŭsie nastupstvy».
«Inšy bok, biez sumnievu, pa całkam zrazumiełych pryčynach, vierahodna, budzie i pahražać, i zapałochvać, kažučy, što jon źvierniecca va ŭsie sudy śvietu, arbitraž.
U ramkach tych mižnarodnych pahadnieńniaŭ i dvuchbakovych pahadnieńniaŭ, jakija praduhledžvajuć takuju mahčymaść, my nie možam hetaha praduchilić, ale jurysty dastatkova dobra acanili ryzyki»,
— padkreśliła litoŭskaja premjerka.
Pa słovach Šymanicie, zvarot «Biełaruśkalija» ŭ sud — narmalnaja źjava, i hałoŭnaja prablema ŭ hetaj situacyi — pytańnie reputacyi.
«Dumaju, što asnoŭnaje pytańnie — heta pytańnie reputacyi kampanii, jakaja znachodzicca pad kantrolem dziaržavy, i vierahodnaść patraplańnia ŭ śpis kampanij, u dačynieńni da jakich prymianiajucca sankcyi našym stratehičnym partnioram (ZŠA)», — dadała jana.
«Biełaruśkalij», uklučany ŭ sankcyjny śpis ZŠA, abskardžvaje ŭ sudzie rašeńnie ŭrada Litvy ab skasavańni doŭhaterminovaha kantrakta z hetaj kampanijaj na pieravozku ŭhnajeńniaŭ praz krainu.
Čytajcie taksama:
Siońnia viečaram praź Litvu projduć apošnija ciahniki z hruzam «Biełaruśkalija»
Łukašenka daručyŭ pryniać miery suprać Litvy ŭ vypadku admovy ad tranzitu hruzaŭ ź Biełarusi
Ministr zamiežnych spraŭ Litvy: Ryzyki, što tranzit biełaruskich kalijnych uhnajeńniaŭ budzie praciahnuty, likvidavanyja
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary