Ministr zamiežnych spraŭ Litvy: Ryzyki, što tranzit biełaruskich kalijnych uhnajeńniaŭ budzie praciahnuty, likvidavanyja
Ryzyki, što zabarony možna budzie abyjści i tranzit biełaruskich kalijnych uhnajeńniaŭ praz terytoryju Litvy praciahniecca, ciapier likvidavanyja. Pra heta siońnia zajaviŭ ministr zamiežnych spraŭ Litvy, piša delfi.lt.
«My z samaha pačatku bačyli ryzyki, źviazanyja ź pieraniaćciem peŭnaj kolkaści uhnajeńniaŭ, ale ŭrad skarystaŭsia dadzienym jamu časam dla taho, kab likvidavać hetyja ryzyki i pasprabavać padrychtavacca da režymu, jaki ŭstupić u siłu 1 lutaha. My spadziajemsia, što vialikaja častka tych niebiaśpiek praduhledžanaja, a pravavy režym i sama ŭmova skasavańnia damovy dapamahaje zabiaśpiečyć peŭnuju padstavu»,
— zajaviŭ žurnalistam u litoŭskim Siejmie Habryelus Łandśbierhis.
Na zakrytym pasiadžeńni ŭ sieradu kamitety Siejma pa ekanomicy i nacyjanalnaj biaśpiecy dy abaronie razhledzieli abstaviny praciahu tranzitu ŭhnajeńniaŭ «Biełaruśkalija» praź Litvu. Kamitety Siejma chacieli pierakanacca ŭ tym, što nichto nie zmoža abyści sankcyi i nie atrymaje ad ich vyhady, kali z 1 lutaha budzie skasavany dahavor pamiž ŁČ i «Biełaruśkalijem».
Staršynia kamisii pa nacyjanalnaj biaśpiecy i abaronie Łaŭrynas Kaščunas zajaviŭ, što rašeńnie ab prypynieńni tranzitu z 1 lutaha maje zaścierahalniki dla taho, kab «abyjści rašeńnie Litvy ab błakavańni było b nie tak prosta».
«My kaliści zajaŭlali, što heta mohuć zrabić asobnyja dziaržavy, asobnyja pryvatnyja kampanii, ale abranyja rašeńni, hetyja farmuloŭki dazvalajuć zrabić ćviorduju vysnovu, što mahčymaść abychodu budzie vielmi ciažka znajści»,
— skazaŭ Kaščunas.
Heta ŭžo druhoje pasiadžeńnie hetych kamisij pa dadzienych pytańniach. Paśla pieršaha pasiadžeńnia dva tydni tamu, Kaščunas zajaŭlaŭ, što pavodziny ŁČ śviedčać pra praźmiernuju zaležnaść hetaj kampanii ad kantrakta z «Biełaruśkalijem».
Čytajcie taksama:
Litoŭskaja čyhunka nie budzie pieravozić uhnajeńniaŭ «Biełaruśkalija»
«Biełaruśkalij» budzie sudzicca ź Litoŭskaj čyhunkaj
Try kampanii źviarnulisia da Litoŭskaj čyhunki, kab pieravozić biełaruski kalij u abychod sankcyj. Što pra ich viadoma?
«Hrošaj dla padtrymki zarpłat biudžetnikam nie budzie». Jak spynieńnie tranzitu kaliju paŭpłyvaje na ekanomiku
«Heta byŭ asnoŭny łahistyčny kalidor». Jak ciapier «Biełaruśkalij» budzie pastaŭlać pradukcyju na ekspart?
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary