Prajekt abnoŭlenaj Kanstytucyi abiacali apublikavać u pieršaj pałovie śniežnia. Dyk kali ž?
Kiraŭnik administracyi Łukašenki Ihar Sierhiejenka abiacaŭ, što prajekt abnoŭlenaj Kanstytucyi prezientujuć u pieršaj pałovie śniežnia. Heta ž «Našaj Nivie» paćviardžali členy kanstytucyjnaj kamisii. Dy i sam Łukašenka na samym pačatku śniežnia zaviaraŭ: zastałosia dva tydni. Čas minuŭ, a prajekta niama, pry hetym da lutaŭskaha refierendumu zastajecca ŭsio mienš. Dyk kali biełarusy ŭsio ž zmohuć aznajomicca z dakumientam?
Spytali ŭ adnaho z členaŭ kanstytucyjnaj kamisii Juryja Vaskrasienskaha.
«Čakajem sa dnia na dzień litaralna. Z čym źviazanaja zatrymka? Z tym, što Kanstytucyja nie pišacca na kalency. I ŭ tym liku prajekt jaje. Jaho lepš lišni raz vyvieryć, kab potym było mienš zaŭvah. Unutry kamisii dyskusijnych pytańniaŭ nakont źmiestu nie zastałosia, tolki pytańni stylistyčnaha charaktaru».
Na prośbu ŭdakładnić novuju datu publikacyi Juryj Vaskrasienski nazvaŭ aryjencir: da Rastva.
«Heta dakładna adbudziecca ŭ śniežni. Chutčej za ŭsio, na nastupnym tydni — da Rastva. My dumajem, tym, kamu praces kanstytucyjny cikavy, chopić času, kab ciaham miesiaca dasłać svaje prapanovy, zaŭvahi. Zacikaŭlenym ludziam budzie ŭsio roŭna, kali prajekt budzie apublikavany — pad Novy hod ci Vialikdzień. Jany tak ci inakš buduć udzielničać u abmierkavańni».
Da refierendumu para miesiacaŭ. Heta narmalna, što prajekt Kanstytucyi dahetul nie apublikavany?
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary