Na vučeńniach «Zachad-2025» adpracujuć płanavańnie prymianieńnia jadziernaj zbroi i «Arešnika»
Na vučeńniach «Zachad-2025» adpracujuć płanavańnie prymianieńnia jadziernaj zbroi i «Arešnika». Pra heta paviedamiŭ ministr abarony Viktar Chrenin pa vynikach zakrytaha dakładu Łukašenku.
«Heta dla nas važny elemient stratehičnaha pierš za ŭsio strymlivańnia. Jak patrabuje kiraŭnik dziaržavy, my pavinny być hatovyja da ŭsiaho. My bačym abstanoŭku na našych zachodnich, paŭnočnych miežach i nie možam spakojna nazirać za militaryzacyjaj i vajennaj aktyŭnaściu. My demanstrujem svaju adkrytaść, mirnaść, ale porach zaŭsiody treba trymać suchim», — skazaŭ Viktar Chrenin.
Sumiesnaje stratehičnaje vučeńnie «Zachad-2025» projdzie z 12 da 16 vieraśnia.
U mai Biełaruś zajaviła, što pieranosić vučeńni z zachodnich miežaŭ uhłyb krainy. «Robim u bolšaj stupieni dla demanstracyi našym sajuźnikam i partnioram pa ŭsim śviecie praŭdziva miralubnaj pazicyi Respubliki Biełaruś», — kazaŭ tady ministr abarony Chrenin.
Kamientary