Biełaruś pieranosić vučeńni «Zachad-2025» z zachodnich miežaŭ uhłyb krainy
Ministr abarony Viktar Chrenin paviedamiŭ pra źmienu paramietraŭ vučeńniaŭ «Zachad-2025»
Kiraŭnik abaronnaha viedamstva Biełarusi zajaviŭ, što vajskovyja vučeńni «Zachad-2025» nie nacelenyja suprać kaho-niebudź, a pieranos jaho asnoŭnych manieŭraŭ uhłyb terytoryi Respubliki Biełaruś ad zachodnich miežaŭ śviedčyć pra hatoŭnaść da dyjałohu i źnižeńnie napružanaści ŭ rehijonie.
«Niahledziačy na toje, što nijakija kroki pa viartańni da vykanańnia šerahu klučavych damoŭlenaściaŭ u śfiery kantrolu nad uzbrajeńniami ŭ dačynieńni da Respubliki Biełaruś tak i nie byli zroblenyja, my pryniali rašeńnie ab źnižeńni paramietraŭ vučeńnia «Zachad-2025» i pieranosie jaho asnoŭnych manieŭraŭ uhłyb terytoryi Respubliki Biełaruś ad zachodnich miežaŭ», — cytuje telehram-kanał Minabarony słovy Viktara Chrenina.
«Tym samym my ŭ čarhovy raz nie tolki słovam, ale i spravaj paćviardžajem svaju hatoŭnaść da dyjałohu, kampramisaŭ i źnižeńnia napružanaści», — skazaŭ ministr abarony i dadaŭ, što heta robicca, «nie spadziejučysia na kanstruktyŭnuju reakcyju ŭ adkaz».
«Robim u bolšaj stupieni dla demanstracyi našym sajuźnikam i partnioram pa ŭsim śviecie praŭdziva miralubnaj pazicyi Respubliki Biełaruś», — skazaŭ ministr abarony.
Kamientary
mabyć chvasta nakrucili za polskija vybryki z tranzitam.