Беларусь пераносіць вучэнні «Захад-2025» з заходніх межаў углыб краіны
Міністр абароны Віктар Хрэнін паведаміў пра змену параметраў вучэнняў «Захад-2025»
Кіраўнік абароннага ведамства Беларусі заявіў, што вайсковыя вучэнні «Захад-2025» не нацэленыя супраць каго-небудзь, а перанос яго асноўных манеўраў углыб тэрыторыі Рэспублікі Беларусь ад заходніх межаў сведчыць пра гатоўнасць да дыялогу і зніжэнне напружанасці ў рэгіёне.
«Нягледзячы на тое, што ніякія крокі па вяртанні да выканання шэрагу ключавых дамоўленасцяў у сферы кантролю над узбраеннямі ў дачыненні да Рэспублікі Беларусь так і не былі зробленыя, мы прынялі рашэнне аб зніжэнні параметраў вучэння «Захад-2025» і пераносе яго асноўных манеўраў углыб тэрыторыі Рэспублікі Беларусь ад заходніх межаў», — цытуе тэлеграм-канал Мінабароны словы Віктара Хрэніна.
«Тым самым мы ў чарговы раз не толькі словам, але і справай пацвярджаем сваю гатоўнасць да дыялогу, кампрамісаў і зніжэння напружанасці», — сказаў міністр абароны і дадаў, што гэта робіцца, «не спадзеючыся на канструктыўную рэакцыю ў адказ».
«Робім у большай ступені для дэманстрацыі нашым саюзнікам і партнёрам па ўсім свеце праўдзіва міралюбнай пазіцыі Рэспублікі Беларусь», — сказаў міністр абароны.
-
«Госці хацелі сесці за сталом з канапамі, але гэта небяспечна». Мінскае кафэ пракаментавала скандал з дзяўчынкай з інваліднасцю
-
Беларусам можна не плаціць па крэдытах, якія аформілі махляры. Вось у якіх выпадках
-
«Прэмія належыць усім беларусам, якія працягваюць змагацца». Ціханоўская ўзнагароджаная нямецкай прэміяй, якую атрымліваў Гавел
Цяпер чытаюць
Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы19
Каментары
мабыць хваста накруцілі за польскія выбрыкі з транзітам.