Jak viadoma, z 1 vieraśnia ŭ Biełarusi ŭnosiacca peŭnyja źmieny ŭ zbor praviłaŭ dla aŭtamabilistaŭ. Pry hetym najbolš maštabnyja navinki tyčacca roznych vidaŭ elektratranspartu: samakaty, monakoły i inšyja.
Asnoŭnaje — uvodzicca paniaćcie «srodku piersanalnaj mabilnaści» (SPM). Taksama prapisvajucca punkty, jakija buduć rehulavać vykarystańnie takich srodkaŭ pieramiaščeńnia ŭ krainie.
Najvažniejšaje — jany nie pavinny raźvivać chutkaść bolš za 25 km/h. Kali hety pakazčyk pieravyšany, to transpart budzie pryraŭnoŭvacca da mapiedaŭ i samakataŭ.
Adpaviedna, spatrebicca rehistracyja SPM u DAI. Darečy, sproščany paradak hetaj pracedury budzie dziejničać da 1 vieraśnia 2026 hoda.
U DAI raspaviali, jak płanujuć adsočvać vykanańnie chutkasnaha režymu dla samakatčykaŭ i inšych vidaŭ elektratranspartu. Jak adznačaŭ načalnik hałoŭnaha ŭpraŭleńnia DAI Viktar Rotčankaŭ, užo ciapier techničnyja srodki dazvalajuć kantralavać chutkaść pieramiaščeńnia nie tolki aŭtamabilaŭ, ale i inšych udzielnikaŭ darožnaha ruchu.
Z 1 vieraśnia ruch elektratranspartu nie pavinien pieravyšać 10 km/h na tratuary i 25 km/h na vieładarožcy.
Jak udakładniaŭ Rotčankaŭ, u DAI «jość novyja raspracoŭki», kab adsočvać chutkaść mienavita SPM. Takim čynam, u bližejšaj budučyni samakatčyki pačnuć atrymlivać štrafy za pieravyšeńnie chutkaści, u narodzie viadomyja jak «listy ščaścia».
Z druhoha boku, pakul dakładnyja terminy ŭviadzieńnia padobnaj sistemy nieviadomyja. Adnak pradstaŭnik Dziaržaŭtainśpiekcyi ŭpeŭnieny: «kali-niebudź usio roŭna my da hetaha pryjdziem».
U Minsku taksama źjaviŭsia śpiecyjalny čat-bot, jaki dapamoža adsočvać biaśpieku vykarystańnia šerynhavych samakataŭ.
Jak paviedamlali ŭ DAI, bot «Samakaty: hramadski kantrol» pracuje ŭ Telegram.
Jaho raspracavali dla apieratyŭnaha vyrašeńnia pytańniaŭ, źviazanych z ekspłuatacyjaj i parkoŭkaj srodkaŭ piersanalnaj mabilnaści (SPM), a taksama dla ŭzajemadziejańnia z šerynhavymi arhanizacyjami. Napisać tudy moža kožny achvotny.
A pradstaŭniki darožnych i kamunalnych słužbaŭ mohuć paviedamlać infarmacyju pra niebiaśpiečnaje kiravańnie karystalnikami SPM, a taksama pra niaspraŭny stan samakataŭ.
Naprykład, pra samakaty, što lažać na ziamli, stajać na prajeznaj častcy ci pieraškadžajuć prachodu piešachodaŭ abo prajezdu kamunalnaj techniki.
Ciapier čytajuć
Jak u halečy śpivałasia radnia Łukašenki? Małaviadomyja fakty20
Kamientary
To bok pasprabujuć zrabić ałharytmy, kali nie atrymajecca, to buduć prymušać rehistryravać elektrasrodki. Była ž za savieckim časam rehistracyja ravaroŭ. A saviecki vopyt heta samaje cennaje ŭ hetych chałujoŭ.