Połk Kalinoŭskaha bolš nie biare ŭdziełu ŭ šturmach. Čamu tak?
Były namieśnik kamandzira pałka imia Kastusia Kalinoŭskaha, a ciapier pradstaŭnik Abjadnanaha pierachodnaha kabinieta pa abaronie Vadzim Kabančuk paviedamiŭ «Lusterku», što padraździaleńnie bolš nie ŭdzielničaje ŭ šturmavych apieracyjach.
«Pryniali rašeńnie, što maksimalna bieražom asabovy skład. Nas nie tak šmat, biełarusaŭ, a šturmavyja zadačy — heta vielmi ryzykoŭnyja apieracyi. Ciapier našy [bajcy] zajmajucca padtrymkaj: artyleryjskaj, dronavaj, miedycynskaj», — zajaviŭ Vadzim Kabančuk.
Asnoŭny akcent ciapier robicca na bieśpiłotnyja sistemy, u tym liku nie tolki pavietranyja, ale i naziemnyja rabatyzavanyja kompleksy.
Kolkaść biełarusaŭ u pałku Kabančuk nie raskryŭ, nazvaŭšy heta vajennaj tajnaj, ale adznačyŭ, što za try hady praz padraździaleńnie prajšło bolš za tysiaču čałaviek — chtości zastajecca ŭ słužbie, chtości ŭ reziervie, inšyja ciapier u krainach Jeŭrasajuza ci va Ukrainie.
Na kanfierencyi «Novaja Biełaruś» bajec pałka Ihar Turcevič zaklikaŭ demakratyčnyja siły nie zabyvacca pra dobraachvotnikaŭ, padkreśliŭšy, što jany abmiežavanyja ŭ mahčymaści publična vykazvacca i što brend pałka «cierpić biedstva», bo pra jaho, maŭlaŭ, amal nie zhadvajuć u ŚMI.
Kabančuk z takoj acenkaj nie zhadziŭsia, nazvaŭšy situacyju pracoŭnymi i naturalnymi pracesami, jakija śviedčać pra žyćcio i raźvićcio padraździaleńnia.
«Ja b nie nazyvaŭ heta kryzisam, situacyja tłumačycca roznymi ratacyjnymi momantami. Chtości prychodzić, chtości sychodzić, ale padraździaleńnie ŭsio adno funkcyjanuje dalej. U dobraachvotnickim ruchu zaŭsiody iduć niejkija pracesy, heta narmalna. Ja heta naziraŭ z 2014 hoda na prykładzie ŭkrainskich dobraachvotnickich farmavańniaŭ. Heta pracoŭnyja momanty, jakija śviedčać, što arhanizm chutčej žyvy», — miarkuje pradstaŭnik APK.
Kabančuk taksama patłumačyŭ, čamu bajcy pałka nie mohuć svabodna razmaŭlać z žurnalistami.
«Vajskoŭcy USU na kantrakcie nie majuć prava zajmacca palityčnaj dziejnaściu, — havoryć jon. — Luby vychad u pablik pavinien spačatku kaardynavacca z roznymi słužbami. Časam z-za armiejskaj biurakratyi heta zajmaje peŭny čas. To-bok kali bajec choča niešta skazać pa aktualnaj temie, jon pavinien atrymać uzhadnieńnie, a heta moža zaniać čas».
Raniej Kabančuk pradstaŭlaŭ pastanovu pra sacyjalnyja harantyi dla dobraachvotnikaŭ, prapanujučy zamacavać za imi i ich siemjami prava na piensii, dapamohi i inšyja formy padtrymki.
U Varšavie prajšoŭ Marš Svabody FOTY
Milinkievič: Kali ŭ 2020 hodzie ŭ biełarusaŭ jašče byŭ hieapalityčny vybar, to ciapier jaho niama
Błohiera Piatruchina nie puścili na «Novuju Biełaruś» — u vyniku jon vioŭ strym z-pad budynka
Cichanoŭski raskazaŭ, što płanuje rabić padčas vizitu ŭ ZŠA i čym jamu dapamoh Prakopjeŭ
Žyhar — Kraŭcovu: Ja tabie asabista apłaču kvitok da Minska, tam i damaŭlajsia z Łukašenkam!
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary