Kiroŭca byŭ mocna pjany, pajechaŭ pa abočynie. Padrabiaznaści trahiedyi na trasie M2, dzie zahinuŭ 16-hadovy tryjatłanist
U piatnicu, 8 žniŭnia, na trasie M2 (Minsk — Nacyjanalny aeraport Minsk) pablizu nasielenaha punkta Karaloŭ Stan adbyłosia surjoznaje DTZ: kiroŭca źbiŭ viełasipiedysta, jaki jechaŭ pa abočynie. U UDAI UUS Minskaha abłvykankama Onlíner paviedamili padrabiaznaści taho, što zdaryłasia.
DTZ adbyłosia kala 15:42 na 22-m km trasy M2 u Minskim rajonie. Za rulom Volkswagen Polo znachodziŭsia 46-hadovy kiroŭca, jak paviedamili ŭ Dziaržaŭtainśpiekcyi, byŭ u stanie ałkaholnaha apjanieńnia — 2,48 pramile.
U niejki momant kiroŭca vyjechaŭ na abočynu i najechaŭ na 16-hadovaha viełasipiedysta, jaki ruchaŭsia ŭ spadarožnym napramku.
Aficyjny kanał Biełaruskaj fiederacyi tryjatłona apublikavaŭ navinu pra hibiel maładoha spartsmiena Cichana Sinieviča.
— Trahiedyja adbyłasia 8 žniŭnia, u piatnicu, padčas viełatreniroŭki. Miedyki zmahalisia za jaho žyćcio, ale, na žal, vyratavać Cichana nie ŭdałosia, — havorycca ŭ paviedamleńni.
Pa infarmacyi DAI, ź miesca DTZ viełasipiedysta zavieźli ŭ balnicu ź ciažkimi traŭmami. Tam jon pamior 10 žniŭnia, u niadzielu.
Raźvitańnie ź Cichanam adbudziecca zaŭtra, 14 žniŭnia, u rytualnaj zale Minskaha krematoryja.
U Dziaržaŭtainśpiekcyi paviedamili, što kiroŭca źmieščany ŭ izalatar u adpaviednaści z art. 108 Kryminalna-pracesualnaha kodeksa.
Častka 4 artykuła 317 Kryminalnaha kodeksa za parušeńnie praviłaŭ darožnaha ruchu asobaj, jakaja kiruje transpartnym srodkam u stanie ałkaholnaha apjanieńnia, što pa nieaściarožnaści paciahnuła śmierć čałavieka, praduhledžvaje pakarańnie ŭ vyhladzie pazbaŭleńnia voli na termin ad troch da vaśmi hadoŭ z pazbaŭleńniem prava zajmać peŭnyja pasady abo zajmacca peŭnaj dziejnaściu.
«Šynvize — končany sadyst». Adzin z adyjoznych načalnikaŭ kałonii Babrujska pierabraŭsia ŭ Hiermaniju28
Kamientary