Pryjarytet — spynieńnie ahniu. Zialenski i jeŭrapiejskija lidary parazmaŭlali z Trampam
Jeŭrapiejskija lidary i prezident Ukrainy Uładzimir Zialenski praviali videakanfierencyju z prezidentam ZŠA Donaldam Trampam napiaredadni jaho sustrečy z Uładzimiram Pucinym. Paśla hetaha jany vystupili pierad žurnalistami.
Uładzimir Zialenski adznačyŭ, što ź minułaj sierady pamiž Ukrainaj, ES, ZŠA i inšymi krainami adbylisia dziasiatki kantaktaŭ. Meta ŭsich — dasiahnuć miru va Ukrainie i Jeŭropie.
Prezident Ukrainy padkreśliŭ: kali Rasija nie pahodzicca na spynieńnie ahniu, sankcyi treba ŭzmacniać. Pavodle jaho, Maskva viadzie nastup na ŭsich kirunkach, imknučysia zachapić usiu krainu. Pucin, pa słovach Zialenskaha, robić vyhlad, što sankcyi nie dziejničajuć, ale na samoj spravie jany bjuć pa rasijskaj vajskovaj ekanomicy. Pry hetym Rasija maje bolš, čym Ukraina, zbroi i artyleryi, ale i straty ŭ jaje ŭtraja bolšyja.
«My havaryli pra sustreču na Alascy, my spadziajemsia, što centralnaj temaj sustrečy budzie spynieńnie ahniu, nieadkładnaje spynieńnie ahniu. Pra heta nieadnarazova kazaŭ prezident Złučanych Štataŭ Amieryki. Jon prapanavaŭ mnie, što paśla sustrečy na Alascy ŭ nas budzie ź im kantakt i my abmiarkujem usie vyniki, kali jany buduć, i my vyznačym nastupnyja našy ŭžo ŭzajemnyja kroki», — skazaŭ Zialenski.
«Mnie zdajecca, pośpiech lubych pieramoŭ zaležyć pierš za ŭsio ad vyniku i nastroju. Ciapier nastroj u nas absalutna abjadnany i jon byŭ ciapier vielmi pazityŭnym… Hety nastroj — heta ŭžo važny krok napierad. Što tyčycca histaryčnaści momantu, ja nie chacieŭ by ciapier takich vielmi hučnych słoŭ — davajcie dačakajemsia vyniku.
U kožnym razie, klučavyja pytańni […] adnosna našych pryncypaŭ, adnosna našaj terytaryjalnaj cełasnaści, urešcie ŭsio adno vyrašajucca na ŭzroŭni lidaraŭ. Biez Ukrainy heta vyrašyć niemahčyma, i, darečy, usio heta taksama padtrymlivajuć», — skazaŭ Zialenski.
Prezident Francyi Emanuel Makron zajaviŭ, što Tramp razumieje: usie terytaryjalnyja pytańni treba vyrašać tolki z udziełam Ukrainy.
Jon ličyć, što ciapier niemahčyma surjozna abmiarkoŭvać abmien ukrainskich ziemlaŭ, bo vajna praciahvajecca i ŭsio zaležyć ad harantyj biaśpieki. Ale Tramp nibyta moža damovicca pra spynieńnie ahniu.
Makron nazvaŭ situacyju jeŭrapiejskaj prablemaj i nahadaŭ, što Rasija pačała svaju ahresiju jašče ŭ 2008 hodzie na Kaŭkazie i moža pajści dalej.
Fiederalny kancler Hiermanii Frydrych Mierc zajaviŭ, što prezident ZŠA Donald Tramp paśla sustrečy z Uładzimiram Pucinym na Alascy prainfarmuje pra jaje vyniki prezidenta Ukrainy Uładzimira Zialenskaha i lidaraŭ jeŭrapiejskich krain.
«My spadziajemsia na peŭny ruch, na toje, što budzie mir va Ukrainie», — skazaŭ jon.
«Viadoma, my havaryli pra pytańnie spynieńnia ahniu. Prezident Tramp choča heta pastavić jak pryjarytet u piatnicu padčas sustrečy z Pucinym. Ja spadziajusia, što dojdzie da peŭnaha ŭzhadnieńnia, tamu što za papiarednija try hady ŭsie razmovy ź im pryvodzili da ŭzmacnieńnia vajennaha adkazu», — padkreśliŭ Mierc.
Ukraina maje piać klučavych patrabavańniaŭ u ramkach urehulavańnia vajny
Sustreča Pucina i Trampa adbudziecca na vajskovaj bazie ZŠA na Alascy
Zialenski: Ja nie čuŭ nivodnaj prapanovy, jakaja b harantavała, što zaŭtra paśla vychadu z Danbasa nie pačniecca novaja vajna
Kerałajn Livit: Mahčyma, u budučyni płanujecca pajezdka Trampa ŭ Rasiju
Zialenski paviedamiŭ pra «dobryja naviny» i raskazaŭ, što adbyłosia kala Dabrapolla
Kamientary
U nieho druhije prioritiety, - obniať putina, podieržať jeho za ruku, pochłopať jeho po pleču i prodołžiť zadušievnyje, mnohočasovyje biesiedy s łučšim druhom vładimirom.
Dažie ultimatum objavił, čtoby druh vładimir prijechał na zadušievnuju vstrieču.
Inačie, druh vładimir ostavit trampa v odinočiestvie, odin na odin s strašnoj i złoj Jevropoj i jeŝio boleje strašnoj, złoj i hadkoj Ukrainoj.