Zialenski paviedamiŭ pra «dobryja naviny» i raskazaŭ, što adbyłosia kala Dabrapolla
Prezident Ukrainy Uładzimir Zialenski paviedamiŭ, što na Sumščynie ŭkrainskija vojski vyzvalili šeść nasielenych punktaŭ i ŭ dvuch miescach vyjšli na miažu z Rasijaj. A na Danbasie, pavodle jaho słoŭ, situacyja składanaja, ale pakul što jašče nie katastrofa, piša «RBK-Ukraina».
Jak śćviardžaje Zialenski, pad Dobrapollem rasijskija siły prasunulisia na niekalki kiłamietraŭ, ale biez techniki — tolki nievialikija hrupy sa zbrojaj.
«Dabrapolle — Kramatorsk. Što tam adbyłosia? Hrupy ruskich prasunulisia kala 10 kiłamietraŭ u niekalkich kropkach. Usie jany biez techniki, tolki zbroja ŭ rukach. Niekatoryja ŭžo znojdzienyja, častkova źniščanyja, častkova ŭziatyja ŭ pałon. Inšych taksama znojdziem i źniščym u najbližejšy čas», — padkreśliŭ prezident Ukrainy.
Jon adznačyŭ, što hety praryŭ — častka infarmacyjnaj stratehii Rasii pierad sustrečaj Pucina i Trampa, kab pakazać nibyta prasoŭvańnie rasijskich vojskaŭ i słabaść Ukrainy.
Taksama jon paviedamiŭ pra stabilnuju situacyju na Charkaŭskim kirunku i navat pośpiech u Łuhanskaj vobłaści, dzie ŭkrainskija vojski nibyta zdoleli prasunucca prykładna na kiłamietr u hłyb pazicyj praciŭnika.
Pavodle prezidenta Ukrainy, situacyja na froncie zastajecca napružanaj, ale ŭkrainskija vojski praciahvajuć zmahacca i ŭtrymlivać pazicyi.
Rasijskaja armija prarvała pad Dabrapollem apošniuju kapitalnuju liniju abarony Danbasa
«U bližejšyja hadziny vyrašycca los 29% terytoryi DNR, što zastalisia pad kantrolem Ukrainy»
Rasii zastałosia niekalki krokaŭ da poŭnaha akružeńnia Pakroŭska
Zialenski: Rasija pieramiaščaje vojski dla novaj nastupalnaj apieracyi
Tramp na pieramovach z Pucinym pastarajecca viarnuć Ukrainie častku akupavanych terytoryj
Kamientary