Bolš za sotniu architektaraŭ za adzin dzień sabrali ŭ lesie pad Brestam hihancki kupał. Navošta?
U hłuchim lesie pad Brestam za adzin dzień źjaviŭsia abjekt, jaki zvyčajna budujuć dla stadyjonaŭ i kancertnych załaŭ. Bolš za sotniu architektaraŭ, dyzajnieraŭ i inžynieraŭ — ad studentaŭ da vopytnych majstroŭ — svaimi rukami sabrali vialiki draŭlany kupał, zdolny źmiaścić kala 200 čałaviek. Usio heta — bieź śpiectechniki, elektryčnaści i zvykłaha haradskoha kamfortu, piša Onliner.
Pabudova stała centralnaj padziejaj architekturnaha pachodu «Majsterni ŭ lesie», jaki sioleta adznačyŭ dziesiacihodździe.
Na hety raz architektary źbirali tak zvanuju sietkavuju abałonku — heta samaniasučaja kanstrukcyja biez kałon i belek, jakaja moža pierakryvać vialikija płoščy i pry hetym zastavacca lohkaj.
Farmat byŭ taki: udzielniki padzialilisia na kamandy, atrymali nabor detalaŭ i instrukcyju, a zatym pa modulach źbirali kanstrukcyju na ziamli. Kali ŭsio było hatova, jaje padniali ŭ pavietra z dapamohaj trosaŭ, łancuhoŭ i draŭlanaj viežy.
Na ŭźviadzieńnie syšli ŭsiaho sutki, ź pierapynkami na son, ježu i razmovy kala vohnišča.
Paśla ŭźviadzieńnia abjekt nakryli plonkaj, kab schavać ad sonca i daždžu, i ŭ im užo praviali lekcyi, majstar-kłasy i zakryćcio fiestyvalu.
Siarod śpikieraŭ byli architektary z Zrobim Architects i Daineko Group, a hałoŭnym hościem staŭ Totan Kuziembajeŭ — adzin z samych viadomych śpiecyjalistaŭ pa draŭlanaj architektury.
-
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
-
Na rendarach — adno, u realnaści — inšaje. Žychary minskaha «Paŭnočnaha bieraha» źbiantežanyja vyhladam svajho dvara
-
Ceny na kvatery ŭ «Minsk-Śviecie» padajuć, a ŭ Minsku — rastuć. Sumnyja pierśpiektyvy dla rajona?
Ciapier čytajuć
Minčanka Anhielina, jakaja prasiła ŭ Łukašenki kvateru za trojniu, atrymała žyllo22
Kamientary