Bolš za hod ziać rasijskaha pradziusara Iosifa Pryhožyna Jaŭhien Tkačenka ličyŭsia źnikłym bieź viestak. Ale ciapier jahony status źmianiŭsia, piša Baza.
Jak raskazaŭ telehram-kanału «Baza» sam 56-hadovy Iosif Pryhožyn, Tkačenku ŭ vyniku tak i nie znajšli — u kancy minułaha tydnia sud aficyjna pryznaŭ jaho zahinułym.
Iosif Pryhožyn — rasijski muzyčny pradziusar, viadomy jak arhanizatar kancertaŭ i mieniedžar papularnych artystaŭ, u tym liku svajoj žonki, śpiavački Valeryi. Jon aktyŭna pracavaŭ u rasijskaj estradzie z 1990-ch, kiravaŭ łejbłami i pradziusarskimi centrami.
U apošnija hady traplaŭ u miedyjnyja skandały z-za svaich vykazvańniaŭ pra palityku i šou-biznes. Aktyŭna padtrymlivaje vajnu va Ukrainie, ale 25 sakavika 2023 hoda ŭ ŚMI šyroka raspaŭsiudziŭsia i vyklikaŭ hramadski rezanans 35-chvilinny aŭdyjozapis razmovy pamiž Pryhožynym i miljarderam Farchadam Achmiedavym. U zapisie abodva surazmoŭcy ŭ niecenzurnaj formie na fonie ŭvarvańnia va Ukrainu krytykujuć kiraŭnictva Rasiei. 26 sakavika Pryhožyn vystupiŭ z zajavaj, što zapis źjaŭlajecca «fejkam» z vykarystańniem niejrasietak, ale paźniej paviedamiŭ, što «niejkija momanty» ŭ razmovie sapraŭdnyja.
Pamiatajecie rezanansny źliŭ hutarki rasijskaha miljardera i Iosifa Pryhožyna? Spracavała — ES źniaŭ ź miljardera sankcyi
Stoliki z epaksidnaj smały i miod z Kyrhyzstana: što sprabavali pradać u Instagram Iosifa Pryhožyna paśla naviny pra śmierć kiraŭnika «Vahniera»
«Było nie śmiešna». Pradziusar Iosif Pryhožyn prakamientavaŭ žurnalistam toje, što jaho błytajuć z kiraŭnikom PVK «Vahnier» Jaŭhienam Pryhožynym
«Jany prajhrali «Kvartału 95», b*». Źjaviłasia aŭdyja, dzie Iosif Pryhožyn i rasijski miljarder rezka krytykujuć ułady
Ciapier čytajuć
Sakretnaje dziaržaŭnaje apytańnie 2020 hoda — Babaryka pierad aryštam dahnaŭ Łukašenku pa rejtynhu3
Kamientary