Žychary Ivanava stajać u čarzie z 6-j ranicy, kab zapisacca ŭ dziciačuju palikliniku

«Ivanava, Biełaruś. Čas 6 ranicy. Ludzi stajać u rehistraturu ŭ dziciačuju kansultacyju, kab zapisacca da stamatołaha, na miedkamisiju ŭ sadok i škołu. Stajać z 5 ranicy. Nu voś, kraina dla žyćcia, kraina dla ludziej», — kaža biełaruska na videa.

Jana supravadziła videa takim tekstam:

«Kab prajści miedkamisiju ŭ dziciačy sad, ja pryjechała ŭ kansultacyju a 6 ranicy. Nie fakt, što nas zapišuć — pierad mnoj užo 7 čałaviek. Što heta za treš asabliva pierad škołaj, kali patrabujuć va ŭsich [daviedki]? Daktary pracujuć 2 razy na tydzień pa 2 hadziny, što heta za kraina dla žyćcia takaja?».

Pavodle videa, ludzi vystrailisia ŭ čarhu na vulicy Savieckaj, 73, prosta kala ŭvachodu ŭ piedyjatryčnaje adździaleńnie Ivanaŭskaj palikliniki.

U kamientaryjach pad hetym videa, jakoje paźniej było vydalena, inšaja žycharka Ivanava patłumačyła, što ŭ paliklinicy dla dziaciej niama anłajn-zapisu:

«Tut niama anłajn-zapisu. Ja taksama pryjechała za 30 km a 6 ranicy. Pierad mnoj 5 čałaviek. U vyniku akazałasia, što tałonaŭ vydzialajuć tolki 5 na dzień, mnie nie chapiła. Daviałosia ź dziećmi jechać nazad. A kali treba zapisacca pa telefonie, treba telefanavać u apošniuju subotu miesiaca. I dajuć tolki adzin tałon na adno dzicia, heta raz u miesiac. Navat pa vostrym bolu vielmi nieachvotna prymajuć».

U aŭtarki videa spytali ŭ kamientaryjach, čym joj nie padabajecca Biełaruś. Voś jaje adkaz:

«Kraina mnie vielmi padabajecca, ale voś stajać u čarzie za tałonami z 6 ranicy ja liču nie vielmi narmalna, a pieršyja pačali prychodzić a 4 ranicy».

Jaje padtrymała inšaja žycharka Ivanava:

«Zhodnaja. Treba, kab była mahčymaść uziać anłajn-tałon, jak u darosłuju palikliniku».

Pavialičyć

U kamientarach žycharcy Ivanava paraili prachodzić kamisiju ŭ pačatku leta.

Za sutki videa žycharki Ivanava nabrała 80 tysiač prahladaŭ, bolš za 1000 łajkaŭ i 700 kamientaroŭ. Niekatoryja raskrytykavali biełarusku za toje, što jana pačała prachodzić miedahlad ź dziciom u žniŭni. Pavodle ich słoŭ, heta treba rabić raniej, kali niama takich čerhaŭ:

• «Zaŭsiody miedkamisiju z dačkoj prachodžu ŭ siaredzinie leta. I prablem niama».
• «My ŭ Baranavičach usiu kamisiju prajšli za paru hadzin jašče da 16 červienia! Usio pa tałonach».
• «Prajšła kamisiju ź dziciom u červieni biez čerhaŭ i prablem. I na kamisiju tałon nie patrebny».
• «Rabicie daviedki dla sadka i škoły viasnoj. Viasnoj palikliniki pustyja, a daktary jašče nie ŭ adpačynku. Uletku z-za adpačynkaŭ daktaroŭ abjadnoŭvajuć učastki. Tamu daktary nie spraŭlajucca i, naturalna, tałonaŭ niama. Ale ŭsim treba mienavita pierad škołaj pačać rabić daviedki. Ja daviedku rablu za 2—3 dni maksimum».
• «Usia kraina vyrašyła prachodzić miedahlad mienavita ŭ žniŭni, bo inšych miesiacaŭ dla prachodžańnia nie było. A vinavatyja kraina i miedyki! Ludzi, vy sami stvarajecie hety ažyjataž. Da nas iduć prachodzić kamisiju ŭ škołu 1 vieraśnia z bancikami i ŭ biełych kašulach pierad liniejkaj».
• «Palikliniki pracujuć z pačatku hoda i da kanca, a [jana] precca amal u siaredzinie žniŭnia ŭ samy pik».
• «Kali vy nie viedajecie, što daviedku možna prajści zahadzia, dyk usia Biełaruś u hetym nie vinavataja. Daktary nie humovyja».

Taksama biełaruscy nahadali, choć i nie viedajuć kankretna jaje situacyi, što daviedki ŭ škole patrabujuć u miesiac naradžeńnia dziciaci:

• «Hadavy miedahlad treba prachodzić u miesiac naradžeńnia dziciaci, a nie piercisia ŭsim uletku. A to sami sabie stvarajecie prablemy».
• «Što pierad škołaj patrabujuć va ŭsich? Daviedku ci što? Dyk jaje prachodziać u miesiac naradžeńnia dziciaci, a nie ŭ žniŭni ŭsie padrad iduć».
• «Nie viedaju jak u Ivanavie, ale ŭ Pinsku miedkamisija prachodzicca raz u hod pierad dniom naradžeńnia. Vyklučeńni dla tych, chto idzie pieršy raz u dziciačy sad ci ŭ pieršy kłas. I navat kali miedkamisija, to prymajuć pa žyvoj čarzie. A voś na lačeńnie zuboŭ treba zapisvacca».

Niekatoryja biełarusy padtrymali žycharku Ivanava. Jany pieraličyli harady, u jakich takija ž prablemy z zapisam da daktaroŭ:

• «6 ranicy — heta vielmi pozna! U Lidzie, kab trapić da stamatołaha, pieršy čałaviek pryjazdžaje ŭ 4 ranicy. U 5 ranicy ja byŭ dziaviaty».
• «Ja ŭ Breście nie mahu trapić da terapieŭta. Ujaŭlaju, što ŭ Ivanavie adbyvajecca, biaźmiežža niejkaje».
• «U Hrodnie z 4 ranicy treba zajmać čarhu ŭ dziciačuju palikliniku».
• «I ŭ Minsku tak, i ŭ Maładziečnie. Tak paŭsiul, a čaho ździŭlacca».
• «Takaja karcina i ŭ Pinsku. Trapić da stamatołaha i dzieciam, i darosłym nierealna. Zapisu niama i ludziej niama. Kalidory pustyja, nivodnaha dziciaci niama, ale zapisacca niemahčyma».

• 0
• 0
• 0
• 0
• 0
• 0
• 0
• 0