Bieły dom abviaściŭ pra vyłučeńnie Trampa na Nobieleŭskuju premiju miru
Prezident ZŠA Donald Tramp budzie pretendavać na Nobieleŭskuju premiju miru — jaho kandydaturu vyłučyli siem krain, paviedamili ŭ Biełym domie.
U pryvatnaści, naminacyju padtrymali prezident Azierbajdžana Ilcham Alijeŭ, premjer-ministr Armienii Nikoł Pašynian, prezident Habona Bres Alihi Nhiema, premjer-ministr Izraila Bińjamin Nietańjachu, premjer-ministr Kambodžy Chun Maniet, ministr zamiežnych spraŭ Ruandy Alivje Nduchunhirechie, a taksama ŭrad Pakistana. «Donald Tramp źjaŭlajecca prezidentam miru», — padkreślili ŭ Biełym domie.
Pieršym pra vyłučeńnie amierykanskaha lidara na Nobieleŭskuju premiju miru zajaviŭ Pakistan, jaki adznačyŭ jaho rolu va ŭrehulavańni ŭzbrojenaha kanfliktu ź Indyjaj, piša Moscow Times.
«Tramp prademanstravaŭ vialikaje stratehičnaje pradbačańnie i vybitnuju dziaržaŭnuju mudraść, što pryviało da deskałacyi chutka paharšajučajsia situacyi», — padkreślili ŭ ŭradzie respubliki. 8 lipienia pra vyłučeńnie amierykanskaha prezidenta na Nobieleŭskuju premiju zajaviŭ Nietańjachu, spasyłajučysia na jaho ŭkład u padtrymańnie miru i biaśpieki, u tym liku na Blizkim Uschodzie. Niečakana pierad hetym ZŠA dapamahli Izrailu ź źniščeńniem jadziernych abjektaŭ Irana.
Premjer-ministr Kambodžy 7 žniŭnia zajaviŭ pra klučavuju rolu Trampa ŭ adnaŭleńni miru i stabilnaści na miažy z Tajłandam. Alijeŭ i Pašynian paśla padpisańnia ŭ Vašynhtonie dekłaracyi ab miry paviedamili pra sumiesnaje namier vyłučyć kandydaturu amierykanskaha prezidenta Nobieleŭskamu kamitetu.
Abviaščeńnie łaŭreataŭ nobieleŭskaj premii adbyvajecca ŭ druhi tydzień kastryčnika.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary