Ciapier elektrasamakaty i viełasipiedy treba rehistravać. Jakija i jak heta zrabić?
Novyja praviły buduć dziejničać z nastupnaha miesiaca.
Z 1 vieraśnia ŭ Biełarusi ŭstupajuć u siłu źmieny ŭ Praviłach darožnaha ruchu, jakija tyčacca viełasipiedystaŭ, karystalnikaŭ elektrasamakataŭ i inšych srodkaŭ piersanalnaj mabilnaści (SPM). Jak rehistravać tyja viełasipiedy i samakaty, jakija trapiać u katehoryju transpartnych srodkaŭ, raskazali ŭ Nacyjanalnym pres-centry, piša Office Life.
Ciapier čałavieka, jaki jedzie na SPM, pierakvalifikujuć ź piešachoda ŭ viełasipiedysta. Pry hetym, kali taki samakat maje maksimalnuju kanstruktyŭnuju chutkaść vyšej za 25 km/h i masu bolš za 35 kh, pryjdziecca paćvierdzić typ transpartnaha srodku, aformić na jaho elektronny pašpart i zarehistravać u DAI.
Vyklučeńniem stanie vykarystańnie samakata ci viełasipieda na darohach biez udaskanalenaha pakryćcia ŭ śvietły čas sutak pa abočynie darohi abo pry jaje adsutnaści pa prajeznaj častcy darohi nie dalej mietra ad jaje pravaha kraju.
Dla atrymańnia elektronnaha pašparta srodak pavinna adpaviadać techničnym patrabavańniam, ustanoŭlenym Mytnym sajuzam. Heta aznačaje, što samakat ci rovar pavinien być anałaham mapieda abo matacykła i mieć takija elemienty, jak lusterka zadniaha vyhladu, śpidomietr, pavarotnik, sihnalnyja ahni i inšyja kanstruktyŭnyja elemienty.
Kali vy kupili SPM, jaki faktyčna źjaŭlajecca transpartnym srodkam, i ŭ vas jość dakumienty, jakija paćviardžajuć jaho adpaviednaść standartam, vy možacie ŭžo ciapier źviarnucca pa atrymańnie elektronnaha pašparta i zarehistravać pryładu ŭ DAI. Rehistracyja ŭ DAI abydziecca ŭ 2 bazavyja vieličyni (84 rubli).
U inšych vypadkach treba źviarnucca ŭ łabaratoryju dla vyznačeńnia katehoryi vašaha transpartu. Da 25 žniŭnia na sajcie Dziaržstandartu źjavicca śpiecyjalnaja ŭkładka z pamiatkaj, jakaja dapamoža samastojna vyśvietlić, ci adnosicca vaš SPM da transpartnych srodkaŭ i ci treba vam prachodzić pierakvalifikacyju. Kolki budzie doŭžycca pracedura pravierki i jaje košt, pakul nie ŭdakładnili.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary