«Ubačyła paštoŭku z vakzałam i tak raspłakałasia»: eks-kiraŭnica «Radzisłavy» Volha Harbunova dasłała list z-za krataŭ
Byłaja kiraŭnica prytułku dla žančyn «Radzisłava» Volha Harbunova dasłała list z-za krataŭ. U im jana adznačaje, što robić usio, kab zachavać siabie.
«Ubačyła paštoŭku z vakzałam i tak raspłakałasia:) Jon u kiłamietry ad mianie znachodzicca, stolki ludziej ja tam zabrała i adviezła ŭ prytułak, stolki padarožžaŭ maich tam pačynałasia.
Zaŭsiody maryła pabyvać u «Minskim zamku», dumała, što, jak i ŭ inšych haradach Jeŭropy, tut zakryjuć turmu i zrobiać muziej, i ja zmahu tut pabyvać. Ale suśviet vyrašyŭ inakš:). U maim vaknie bačnyja trochi 2,5 viežy, adna amal razburanaja. Mnie zdajecca, što nam jašče daloka da poŭnaha ŭśviedamleńnia, što heta za miesca ŭ našaj historyi.
Chaciełasia b napisać, što ja ŭ paradku, nie chvalujciesia, usio budzie dobra zusim chutka, ale padobna, ja nie nastolki mocnaja i śmiełaja, jak ja pra siabie dumała raniej.
Dziakuj, što vy na suviazi sa mnoj. Heta i sapraŭdy vielmi vialikaja padtrymka dla mienia ŭ hetyja ciomnyja časy. Abdymaju! Vola Hoa».
Tekst lista apublikavali ŭ svaim telehram-kanale pravaabaroncy.
***
Volhu Harbunovu zatrymali 9 listapada pa padazreńni ŭ ździajśnieńni złačynstva pa art. 342 Kryminalnaha kodeksa za arhanizacyju žanočych maršaŭ u 2020 hodzie. Jana adrazu abviaściła haładoŭku.
Volha — byłaja kiraŭnica arhanizacyi «Radzisłava», jakaja dapamahaje žančynam, jakija cierpiać ad chatniaha hvałtu.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3434
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie34
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1212
Kamientary