Ministr Siniaŭski: Pry nadzvyčajnym stanoviščy ratavalniki buduć sa zbrojaj u rukach spyniać biesparadki
Ministr pa nadzvyčajnych situacyjach Vadzim Siniaŭski apublikavaŭ na sajcie viedamstva zvarot da asabovaha składu, u jakim paviedamlaje, što ŭ vypadku nadzvyčajnaha stanovišča ratavalniki buduć sa zbrojaj u rukach spyniać biesparadki. Pryvodzim častku tekstu.
«Ratavalniki — heta ludzi, jakija hatovyja ŭ lubuju siekundu supraćstajać razburalnym stychijnym biedstvam, technahiennym katastrofam, pavodkam i pažaram. Ryzykujučy ŭłasnym žyćciom, vykarystoŭvajučy svoj prafiesijanalizm i vyjaŭlajučy advahu, my štodnia likvidujem roznyja nadzvyčajnyja situacyi, z honaram vykonvajem svoj abaviazak.
Mienavita hetyja jakaści źjaŭlajucca našym devizam. Devizam ratavalnikaŭ, jakija ŭ lubuju chvilinu hatovyja pryjści na dapamohu našym ludziam i dziaržavie.
Ciapier naša miralubivaja kraina padviarhajecca pastajannamu cisku zvonku z boku roznych destruktyŭnych sił. Važnaj umovaj paśpiachovaj baraćby z hetym upłyvam źjaŭlajecca zhurtavanaść hramadstva, u asnovie jakoj lažać patryjatyzm i luboŭ da svajoj Radzimy.
U hetym kantekście vialikaja rola ŭ zabieśpiačeńni nacyjanalnaj biaśpieki advodzicca biełaruskim ratavalnikam. Naš z vami abaviazak — zabiaśpiečyć biaśpiečnyja ŭmovy žyćciadziejnaści nasielnictva, ustojlivaje funkcyjanavańnie abjektaŭ ekanomiki, apieratyŭnaje reahavańnie na nadzvyčajnyja situacyi pryrodnaha i technahiennaha charaktaru, zachavać unikalnuju pryrodu našaj Radzimy.
Siońnia na MNS, u vypadku ŭviadzieńnia nadzvyčajnaha stanovišča, uskładajucca zadačy pa achovie važnych abjektaŭ i spynieńni biesparadkaŭ, kali treba, to sa zbrojaj u rukach. Pry hetym dziaržavaj harantujecca pravavaja, sacyjalnaja i asabistaja abarona rabotnikaŭ MNS, a taksama členaŭ ich siemjaŭ», — adznačajecca ŭ zvarocie ad imia ministra.
-
Brytanija 25 hadoŭ nie moža departavać biełarusa — toj chłusić biełaruskim uładam, što jon nie svoj. I jany nie zabirajuć jaho dadomu
-
Vyvučyŭ vosiem movaŭ, ažaniŭsia i staŭ doktaram u Barysavie — historyja miedyka z Turkmienistana
-
Ministr abarony Litvy pra list Zialenskaha: Naiŭna čakać, što Pucin prosta voźmie i adstupić
Kamientary