Fest u Budsłavie: padzieja, na jakuju varta zavitać choć raz u žyćci VIDEA
Navat kali nie prachodzić pilihrymku, a prosta pryjechać na sam fest — uražańni niezabyŭnyja. U hetym hodzie kulminacyja ŭračystaściaŭ u honar Apiakunki Biełarusi Maci Božaj Budsłaŭskaj u Nacyjanalnym sanktuaryi budzie ŭnačy ź piatnicy 2-ha na subotu 3 lipienia.
Hetyja videarepartažy «Naša Niva» źniała ŭ 2009 i 2010 hadach.
U pieršym videarepartažy jość adzin momant, jaki hledačam moža padacca nie zusim zrazumiełym. Na 1 chvilinie 30 siekundzie videa pakazana, jak milicyja nadhladaje dziaciej mietałašukalnikami, a pobač śpiavajuć pad hitary pieśni.
Ujavicie sabie — šerahi stomlenych dzietak, z maleńkimi zaplečnikami, jany prajšli daŭhi šlach i, narešcie, radujucca, što dajšli da mety — Budsłava. I voś na ŭvachodzie ŭ miastečka, prosta na darozie, ich sustrakaje milicejskaje ačapleńnie, sapraŭdy sanitarny kardon. Pačynajecca daskanalny, prynižalny «šmon», nadhlad z noh da hałavy, vyvaročvańniem kišeniaŭ i sumačak.
I voś darosłyja, jakija supravadžali hrupu, kab choć niejak źniać napružańnie, zaśpiavali pieśni, kab padtrymać tych, chto prachodziŭ hetaje, jak vyjaviłasia, apošniaje vyprabavańnie pierad Budsłavam.
Ale milicejskija nadhlady, jak i palavańnie na nacyjanalnuju simvoliku, — heta adzinyja takija niepryjemnyja momanty. A sam Budsłaŭski fest — padzieja, na jakuju varta zavitać choć by raz u žyćci, niezaležna ad vieravyznańnia. Navat kali nie prachodzić pilihrymku, a prosta pryjechać na sam fest — uražańni niezabyŭnyja.
Kamientary