U niekatorych minskich kampanijach — skaročany pracoŭny dzień, u škołach i VNU admianiajuć viačernija zaniatki
Siońnia paviedamlajecca ab skaročanych rabočych i navučalnych dniach na niekatorych pradpryjemstvach, a taksama ŭ škołach i VNU, piša Tut.by
Ab vychodnym 23 vieraśnia dla svaich supracoŭnikaŭ siońnia abviaściŭ zasnavalnik i CEO Rozum Robotics Viktar Chamianok.
«Kalehi, u suviazi sa śviatočnaj padziejaj inaŭhuracyjaj Łukašenki — 23 vieraśnia (siońnia) u kampanii Rozum Robociks abjaŭlajecca niepracoŭnym dniom» — žartam napisaŭ jon u fejsbuku.
Niekatoryja arhanizacyi nie zrabili sieradu vychodnym, ale skaracili pracoŭny dzień.
«U mianie byŭ zapis siońnia na viečar u centr elektronnych pasłuh — tolki što patelefanavali i skazali, što siońnia bolš pracavać nie buduć pa «techničnych pryčynach», — pišuć čytačy.
Viadoma, što niekatoryja VNU i škoły admianiajuć uroki ŭ druhuju źmienu i pary. Naprykład, Licej BDU admianiŭ viačernija kursy dla abituryjentaŭ.
Skaracili čas pracy i niekatoryja hurtki dla daškolnikaŭ. Tak, pieradumali pravodzić zaniatki ŭviečary ŭ adnym z kłubaŭ dziciačaj himnastyki na Surhanava.
Kamientary