У некаторых мінскіх кампаніях — скарочаны працоўны дзень, у школах і ВНУ адмяняюць вячэрнія заняткі
Сёння паведамляецца аб скарочаных рабочых і навучальных днях на некаторых прадпрыемствах, а таксама ў школах і ВНУ, піша Tut.by
Аб выходным 23 верасня для сваіх супрацоўнікаў сёння абвясціў заснавальнік і CEO Rozum Robotics Віктар Хамянок.
«Калегі, у сувязі са святочнай падзеяй інаўгурацыяй Лукашэнкі — 23 верасня (сёння) у кампаніі Розум Робоцікс аб'яўляецца непрацоўным днём» — жартам напісаў ён у фэйсбуку.
Некаторыя арганізацыі не зрабілі сераду выходным, але скарацілі працоўны дзень.
«У мяне быў запіс сёння на вечар у цэнтр электронных паслуг — толькі што патэлефанавалі і сказалі, што сёння больш працаваць не будуць па «тэхнічных прычынах», — пішуць чытачы.
Вядома, што некаторыя ВНУ і школы адмяняюць урокі ў другую змену і пары. Напрыклад, Ліцэй БДУ адмяніў вячэрнія курсы для абітурыентаў.
Скарацілі час працы і некаторыя гурткі для дашкольнікаў. Так, перадумалі праводзіць заняткі ўвечары ў адным з клубаў дзіцячай гімнастыкі на Сурганава.
Цяпер чытаюць
Колькасць ахвяр выбуху ў маскоўскім элітным рэстаране на юбілеі генерала, які камандаваў наступам на Кіеў з Беларусі ў 2022-м, вырасла да пяці чалавек44
Каментары